காயல்பட்டினத்தில் அனிதாவுடன் அமைச்சர் மைதீன்கான் வாக்கு சேகரிப்பு

திருச்செந்தூர் தொகுதி திமுக வேட்பாளர் அனிதா ராதாகிருஷ்ணனுடன் இணைந்து அமைச்சர் மைதீன்கான் காயல்பட்டினம் பகுதியில் வாக்கு சேகரித்தார்.

தைக்கா தெருவில் பிரசாரத்தை துவக்கிய அனிதா காட்டு தைக்கா தெரு, சிறு நயினார் தெரு, குத்துக்கல் தெரு, குறுக்கு தெரு, முகதும் தெரு, காஜியப்பா தைக்கா தெரு, ஆறாம்பள்ளி தெரு, அம்பலமறைக்கார் தெரு, புதுக்கடை தெரு, சித்தன் தெரு, கீழசித்தன் தெரு உள்ளிட்ட பல்வேறு பகுதிகளில் வாக்கு சேகரிப்பில் ஈடுபட்டனர்.

அவர்களுடன் திமுக தலைமை பொதுக்குழு உறுப்பினர் காதர், மதுரை துணை மேயர் மன்னன், மதுரை மாவட்ட செயலாளர் தளபதி, முன்னாள் நகர செயலாளர் சொளுக்கு, நகர துணைச் செயலாளர் முகைதீன், மாவட்ட பிரதிநிதி பன்னீர்செல்வம், நகர இளைஞரணி செயலாளர் கோபால் உள்பட பலர் கலந்து கொண்டனர்.

நன்றி :தூத்துக்குடி வெப்சைட்,திரு. கந்தன், திருச்செந்தூர்

காயல்பட்டினத்தில் ஜமா அத்துல் உலமா சபை கூட்டம்

தூத்துக்குடி மாவட்ட ஜமா அத்துல் உலமா சபை பொதுக்குழுக் கூட்டம் காயல்பட்டினத்தில் நடைபெற்றது.

கூட்டத்துக்கு எஸ்.இ. காழி அலாவுதீன் தலைமை வகித்தார். எஸ்.எம். முஹம்மத் ஃபாரூக், எஸ்.டி. அம்ஜத் அலி, எச்.ஏ. அஹ்மத் அப்துல் காதிர் ஆகியோர் முன்னிலை வகித்தனர். எஸ். உமர் ரிழ்வானுல்லாஹ் கிராஅத் ஓதி கூட்டத்தைத் தொடக்கிவைத்தார்.

மாவட்ட ஜமா அத்துல் உலமா பேரவைச் செயலர் எஸ். முஜிபூர் ரஹ்மான், தூத்துக்குடி ஜாமி ஆ மஸ்ஜித் தலைமை இமாம் அப்துல் ஆழிம், தூத்துக்குடி மன்ப உஸ்ஸலாஹ் அரபிக் கல்லூரிப் பேராசிரியர் ஏ.எம். ஷேக் உஸ்மான், காயல்பட்டினம் ஜாவியா அரபிக் கல்லூரிப் பேராசிரியர் கே. சுல்தான் ஸலாஹூத்தீன், மஹழ்ரா அரபிக் கல்லூரிப் பேராசிரியர் எஸ். செய்யித் அப்துற் ரஹ்மான், தூத்துக்குடி மன்பஉஸ்ஸலாஹ் அரபிக் கல்லூரி துணை முதல்வர் எம். இம்துல்லாஹ், செய்துங்க நல்லூர் ஜூம்ஆ பள்ளி இமாம் ஹஸன் ஞானியார், வடக்கு ஆத்தூர் ஜூம்ஆ பள்ளி இமாம் பஷீர் அஹ்மத், காயல்பட்டினம் முஹ்யித்தீன் பள்ளி இமாம் ஏ.கே. அபூ மன்ஸþர் மற்றும் ஏரல் முஹம்மத் யூஸþப் ஆகியோர் பேசினர்.

உலமாக்கள் பணியாளர் நல வாரியத்தில் அதிக உறுப்பினர்களை இணைக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.

மாவட்ட உலமாக்கள் மற்றும் பணியாளர்கள் நல வாரிய உறுப்பினராக மாவட்ட ஜமா அத்துல் உலமா பேரவைச் செயலர் முஜிபூர் ரஹ்மான் மற்றும் அரசு மாவட்ட காஜியாக காயல்பட்டினம் மஹ்ழரா துணை முதல்வர் எஸ்.டி. அம்ஜத் அலி ஆகியோரை நியமித்த தமிழக அரசுக்கு நன்றி தெரிவிக்கப்பட்டது. இருவரும் பொன்னாடை அணிவித்து கெüரவிக்கப்பட்டனர்.

மஹழ்ரா அரபிக் கல்லூரிப் பேராசிரியர் காஜா முஹ்யித்தீன் நன்றி கூறினார்.

காயல்பட்டணம் கல்லூரியில் தொழில்நுட்பதுறை கூட்டம்

காயல்பட்டணம் வாவு வஜீஹா மகளிர் கல்லூரியில் தொழிற்நுட்பத்துறை கூட்டம் நடந்தது.

வாவு வஜீஹா மகளிர் கல்லூரியில் தகவல் தொழிற்நுட்பத்துறை தலைவர் பேராசிரியர் கோதர் முகைதீன் தலைமை வகித்து மாணவியரின் கேள்விகளுக்கு பதில் அளித்து பேசினார்.

கூட்டத்தில் கல்லூரி நிர்வாக அதிகாரி கம்சாமுகைதீன், பேராசிரியர்கள், மாணவ, மாணவியர் கலந்து கொண்டனர். ஏற்பாடுகளை தகவல் தொழிற்நுட்பத்துறை தலைவி ஷரீமின்மேரிஜானகி செய்திருந்தார்.

காயல் ஷேக்முஹம்மது இசை பயணம் நூல் வெளியீட்டு விழா

இஸ்லாமிய பாடகர் காயல் ஷேக்முஹம்மதுவின் இசைபயணம் வாழ்க்கை வரலாறு நினைவு மலர் வெளியீட்டு விழா வரும் 31ம் தேதி சென்னையில் நடக்கிறது.

பிரபல தென்னிந்திய இஸ்லாமிய பாடகரும், சினிமா பாடகருமான காயல் ஷேக்முஹம்மது இசைபயணம் வாழ்க்கை வரலாற்று நினைவு மலர் வெளியீட்டு விழா வரும் 31ம் தேதி சென்னை கலைவாணர் அரங்கில் நடக்கிறது. விழாவிற்கு திமுக தலைமை பொதுக்குழு உறுப்பினர் ஆலிஜனாப் நாகூர் சச்சாமுபாராக் தலைமை வகிக்கிறார்.

ழ்நாடு அரசு சிறுசேமிப்பு துறை துணை தலைவர் ரஹ்மான்கான் நினைவுமலரை வெளியிடுகிறார். நினைவுமலர் வெளியீட்டுவிழாவில் அமைச்சர்கள், எம்பிக்கள் பலர் கலந்துகொள்கின்றனர்.

காயல்பட்டினத்தில் ஐக்கிய சமாதான அறக்கட்டளை அலுவலகம் திறப்பு

காயல்பட்டினத்தில் ஐக்கிய சமாதான அறக்கட்டளை அலுவலக திறப்பு விழா நடைபெற்றது.

வள்ளல் சீதக்காதி திடலில் நடைபெற்ற விழாவிற்கு அறக்கட்டளைத் தலைவரும் இந்திய யூனியன் முஸ்லிம் லீக் உலமாக்கள் அணி மாநில அமைப்பாளருமான எம்.ஹாமீத் பக்ரீ ஆலிம் மன்பஈ தலைமை வகித்தார்.

தாருத்தியான் திருக்குர்ஆன் மனனப் பயிலக மாணவர் பஷீர் ஜஃப்ரான் இறைமறை ஓதி நிகழ்ச்சியை துவக்கி வைத்தார்.

தூத்துக்குடி மாவட்ட ஜமா அத்துல் உலமா சபை தலைவர் எஸ்.எம்.முஹம்மது ஃபாரூக், ஹாமிதிய்யா பேராசிரியர் எஸ்.ஹெச்.பாஷில் அஸ்ஹப், எஸ்.கே. முஹம்மது சாலிஹ், அறக்கட்டளை தலைமை நெறியாளர் லியாகத் அலி ஆகியோர் பேசினர்.

விழாவில், ஏழை, எளியோருக்கு முன்னாள் அமைச்சர் அனிதா ஆர்.ராதாகிருஷ்ணன் தையல் இயந்திரங்களை வழங்கினார்.

முஸ்லிம் லீக் செயலர் அமானுல்லாஹ், துணைச் செயலர் அபூசாலிஹ், திமுக நகர செயலர் மு.த.ஜெய்னுத்தீன் உள்பட பலர் கலந்து கொண்டனர்.

முன்னதாக பொருளாளர் அப்துல் ஹை வரவேற்றார். இறுதியில் துணை செயலர் ஏ.சுலைமான் சேட் நன்றி கூறினார்.

காயல்பட்டினதில் நபிகள் புகழ் பாடும் புர்தா மஜ்லிஸ்

காயல்பட்டினம் ஜலாலிய்யா மன்ஸிலில் நபிகள் நாயகம் புகழ்பாடும் புர்தா மஜ்லிஸ் நிகழ்ச்சி நடைபெற்றது.

எஸ்.எஸ்.எப், முஹ்யித்தின் மாணவர் மன்றம், முஹ்யித்தின் டிவி மற்றும் ஜம் இய்யத் அஹலிஸ் ஸþன்னத் ஜமா அத் சார்பில் கேரள மாநில குழுவினர் இந் நிகழ்ச்சியை நடத்தினர்.

இதில், பெங்களூரைச் சேர்ந்த சிறுவர்களும், பாடகர்கள் முஹம்மத் நஃபீல் (14) மற்றும் முஈன் (7) ஆகிய இருவரும் உருதுப் பாடல்களை பாடினர். நிகழ்ச்சிக்கு அஷ்ஷெய்க் டபிள்யூ எம்.எம். செய்யித் முஹம்மத் தலைமை வகித்தார்.

கேரள ஷிஹாபூத்தீன் தங்ஙளின் துஆ ஓதினார்.

காயல்பட்டினம் பள்ளியில் இலவச சைக்கிள்கள் வழங்கும் விழா

காயல்பட்டினம் சுபைதா மகளிர் மேல்நிலைப் பள்ளியில் பிளஸ் 1 மாணவிகளுக்கு தமிழக அரசின் இலவச சைக்கிள்கள் வழங்கும் விழா நடைபெற்றது.

விழாவிற்கு பள்ளித் தாளாளர் வாவு எஸ். காதர் தலைமை வகித்தார்.

பள்ளித் தலைமை ஆசிரியை ஜெஸிமா முன்னிலை வகித்தார்.

சிறப்பு விருந்தினராக திருச்செந்தூர் வட்டார வளர்ச்சி அலுவலர் சுப்பிரமணியன் கலந்துகொண்டு மாணவிகளுக்கு அரசின் இலவச சைக்கிள்களை வழங்கினார்.

முடிவில் உதவித் தலைமை ஆசிரியை ஏ. நீர்ஜஹான் நன்றி கூறினார்.

ரம்ஜான்: காயல்பட்டினத்தில் மின் தடையை தவிர்க்க தேமுதிக கோரிக்கை

ரம்ஜான் பண்டிகையன்று காயல்பட்டினத்தில் மின் தடையை தவிர்க்க வேண்டுமென தேமுதிகவினர் வேண்டுகோள் விடுத்துள்ளனர்.

இது தொடர்பாக அதன் நகரச் செயலர் எம்.எச்.எம். சதக்கத்துல்லாஹ் மின் வாரிய அதிகாரிகளுக்கு அனுப்பிய மனு:

நோன்பு முடிவு பெறும் ரம்ஜான் பண்டிகையன்று ஏற்கெனவே அறிவித்துள்ள 2 மணி நேர மின்தடையை தவிர்த்து அன்று முழுவதும் சீரான மின் விநியோகம் வழங்க நடவடிக்கை எடுக்க வேண்டும் என்றார் அவர்.

காயல்பட்டினம் மகளிர் கல்லூரியில் உமறுப்புலவர் முத்தமிழ் மன்றக் கூட்டம்

காயல்பட்டினம் வாவு வஜிஹா மகளிர் கல்லூரியில் உமறுப்புலவர் முத்தமிழ் மன்றக் கூட்டம் நடைபெற்றது.

மாணவர் மன்ற துணைச் செயலர் கணிதவியல் முதலாமாண்டு மாணவி ஹலிமா பீவி மன்ற அறிக்கையை வாசித்தார்.

திருச்செந்தூர் ஆதித்தனார் கல்லூரி தமிழ்த் துறைப் பேராசிரியர் பெ.சுயம்பு சிறப்பு விருந்தினராகக் கலந்து கொண்டு பேசினார்.

தமிழ்த் துறைத் தலைவர் இரா.அருணா ஜோதி வரவேற்றார். விரிவுரையாளர் சு.ஏஞ்சலா லதா நன்றி கூறினார்.

காயல்பட்டினம் ஆறாம்பள்ளியில் முழு குர் ஆன் ஓதும் நிகழ்ச்சி

காயல்பட்டினம் ஆறாம் பள்ளிவாசலில் சனிக்கிழமை இரவு தராவீஹ் தொழுகையில் முழு குர்ஆனையும் ஓதி தமாம் செய்யப்பட்டது.

காயல்பட்டினம் நகர் மன்றத் தலைவர் வாவு செய்யித் அப்துல் ரஹ்மான், வாவு சாகுல் ஹமீத், கூபா ஷெய்க் சுலைமான், பொருளாளர் எஸ்.ஏ.கே. ஷேக் தாவூத், எம்.டி. ஜெய்னுத்தீன், வாவு மொகுதஸீம், என்.டி. அஹ்மத் ஸலாஹூத்தீன் உள்ளிட்டோர் கலந்துகொண்டனர்.

பஜர் தொழுகைக்குப்பின் முழு குர்ஆனையும் ஓதிய முஹம்மத் நூஹ் துஆ ஓதினார்.

பின்னர் அவர் அரபி பைத் பாடி நகர்வலமாக இல்லம் அழைத்துச் செல்லப்பட்டார்.

இதேபோல ஒரே இரவில் முழு குர்ஆன் ஓதி தமாம் செய்தல் கடந்த 1974-ல் நடைபெற்றது குறிப்பிடத்தக்கது.

காயல்பட்டினத்தில் இப்தார் நோன்பு திறக்கும் நிகழ்ச்சி

காயல்பட்டினத்தில் சனிக்கிழமை மாலை இப்தார் நோன்பு திறக்கும் நிகழ்ச்சி நடைபெற்றது.

மஸ்ஜித் மீக்காயில் ஜமா அத் சார்பில் நடைபெற்ற இந்த நோன்பு திறக்கும் நிகழ்ச்சியில் அனிதா ஆர். ராதாகிருஷ்ணன் கலந்து கொண்டார்.

நிகழ்ச்சியில் காயல்பட்டினம் மூன்றாம் நிலை நகராட்சித் தலைவர் வாவு செய்யது அப்துல் ரஹ்மான், கல்லூரிச் செயலர் வாவு மொகுதஸிம், மஸ்ஜித் மீக்காயில் பள்ளி நிர்வாகி எஸ்.இ. முஹ்யித்தீன் தம்பி உள்ளிட்டோர் கலந்து கொண்டனர்.

காயல்பட்டினம் மெட்ரிக் பள்ளி ஆண்டு விழா

காயல்பட்டினம் சென்ட்ரல் மெட்ரிக் மேல்நிலைப் பள்ளியின் 19-வது ஆண்டு விழா வாவு வஜிஹா மகளிர் கல்லூரி வளாகத்தில் நடைபெற்றது.

கல்லூரித் தலைவரும் காயல்பட்டினம் மூன்றாம் நிலை நகர்மன்றத் தலைவருமான வாவு செய்யது அப்துல் ரஹ்மான் தலைமை வகித்தார்.

பள்ளித் தாளாளர் வாவு எம்.எம்.மொகுதஸிம் மற்றும் தலைமை ஆசிரியை எம்.செண்பகவல்லி ஆகியோர் முன்னிலை வகித்தனர்.

திருச்செந்தூர் ஆதித்தனார் கல்லூரி பேராசிரியை வசுமதி மாணவ, மாணவிகளுக்கு பரிசுகளை வழங்கினார்.

மெட்ரிக் தேர்வில் பள்ளிக்கு நூறு சதவிகித தேர்ச்சி பெற்ற மாணவ, மாணவிகள் மற்றும் அதற்கு உதவிய ஆசிரிய, ஆசிரியைகள் கெüரவிக்கப்பட்டனர்.

காயல்பட்டினத்தில் முஸ்லிம் லீக் ஊழியர் கூட்டம்

காயல்பட்டினத்தில் முஸ்லிம் லீக் ஊழியர்கள் கூட்டம் நடைபெற்றது.

மாவட்டச் செயலர் வாவு கே.எஸ்.நாஸர் தலைமை வகித்தார். நகர தொண்டரணி அமைப்பாளர் அப்துல் வாஹித் கிராஅத் ஓதி கூட்டத்தை தொடக்கி வைத்தார்.

நகரச் செயலர் பி.எம்.எஸ்.அமானுல்லாஹ் வரவேற்றார். மாநில பொதுக்குழு உறுப்பினர் எஸ்.ஏ.இப்ராகிம் மக்கீ கூட்டத்தின் நோக்கம் குரித்து விவரித்தார்.

மாவட்ட துணைச் செயலர்கள் எஸ்.டி.கமால். மன்னர் பாதுல் அஸ்ஹப், நகர துணைச் செயலர் எம்.எல்.ஷேக்னா லெப்பை மற்றும் ரியாத் காயிதே மில்லத் பேரவை துணைத் தலைவர் எம்.எம். காஜாநவாஸ் ஆகியோர் பேசினர்.

முஸ்லிம் லீக் அரசியல் ஆலோசனைக் குழு உறுப்பினரும், மணிச்சுடர் நாளிதழின் வெளியீட்டாளருமான ஏ.அப்துல் ஹக்கீம் மறைவிற்கு கூட்டத்தில் இரங்கல் தெரிவிக்கப்பட்டது.

மேலும், புனித ரமலான் நோன்பு காலத்தில் காயல்பட்டினத்தில் ஏழை, எளியவர்களுக்கு அரிசி வழங்க தீர்மானிக்கப்பட்டது.

இதற்காக வாவு. கே.எஸ் .நாஸர். எம்.எல். ஷேக்னா லெப்பை, ஏ.எல்.எஸ்.அபூசாலிஹ், எஸ்.கே.மஹ்முதுல் ஹஸன், எம்.ஏ.சி. சுஹைல் இப்ராஹிம் மற்றும் எம்.ஏ.சுஹைல் ஆகியோர் அடங்கிய குழு அமைக்கப்பட்டது.

ஜெ.உமர் நன்றி கூறினார்.

காயல்பட்டினம் எல்.கே. மெட்ரிக் பள்ளி மாணவ, மாணவிகள் சாதனை

தூத்துக்குடி சுப்பையா வித்யாலய மகளிர் மேல்நிலைப் பள்ளியில் நடைபெற்ற மாவட்ட அளவிலான பல்வேறு போட்டிகளில் காயல்பட்டினம் எல்.கே. மெட்ரிகுலேஷன் பள்ளி மாணவ, மாணவிகள் சாதனை புரிந்துள்ளனர்.

ஆங்கிலப் பேச்சுப் போட்டியில் 9-ம் வகுப்பு மாணவி எச்.எஸ்.ஏ.சி. அஹ்மத் பாத்திமா நுûஸஃபா 2-ம் இடமும், ஆங்கில கட்டுரைப் போட்டியில் அதே வகுப்பைச் சேர்ந்த ராஜலட்சுமி மூன்றாமிடமும், மேஸ்ட்ரோ மெலடி போட்டியில் அதே வகுப்பைச் சேர்ந்த எம்.எஸ். ஆயிஷா நஸ்ரீன் மூன்றாமிடத்தையும், மெஹந்தி போட்டியில் எம்.ஏ. ஜொஹரா வாஸிஆ மற்றும் ஆர்.முத்துலட்சுமி ஆகியோர் முதலிடத்தையும், ஓவியப் போட்டியில் எஸ்.ஜே.ஜூலியட் மேரி (10-ம் வகுப்பு) 2-ம் இடத்தையும், காய்கறியில் உருவம் செதுக்குதல் போட்டியில் யுஇசட்.கே. மாயம் 2-ம் இடத்தையும், மாறுவேடப் போட்டியில் 8-ம் வகுப்பு மாணவி அனிஷா வரிஜீன் மேரி மூன்றாமிடத்தையும் பெற்றனர்.

மாணவ, மாணவிகள் பள்ளித் தலைமை ஆசிரியை மீனா சேகர் மற்றும் பள்ளி நிர்வாகிகள், ஆசிரியர்கள் பாராட்டினர்.

காயல்பட்டினம் அரபிக் கல்லூரி பட்டமளிப்பு விழா

காயல்பட்டினம் மஹ்ழரா அரபிக் கல்லூரி பட்டமளிப்பு விழா நடைபெற்றது.

கல்லூரி தலைவர் எம்.எஸ்.எம்பாதுல் அஷ்ஹப் தலைமை வகித்தார்.

கோழிக்கோடு ஜாமிஆ மரீக்ஸ் பல்கலைகழக வேந்தர் பி.ஷைக் அபூபக்கர் அஹ்மத் முஸ்லியார் சிறப்பு விருந்தினராக கலந்து கொண்டு பேசினார்.

முதல்வர் எஸ்.எஸ். கலந்தர் மஸ்தான் ரஹ்மான் மாணவர்களுக்கு ஆலிம் ஸனது பட்டம் வழங்கிப் பேசினார்.

கல்லூரி பேராசிரியர்கள் எஸ்.டி.அம்ஜத் அலீ, எஸ்.சய்யீத் அப்துர் ரஹ்மான், கே.எம்.காஜா முஹ்யித்தீன், ஏ.கே.முஹம்மத் அஸ்பா அஷ்ரஃபீ, என்ஏ.ஜி. ஷைக் இஸ்மாயில், ஏ.முஹம்மத் அஷ்ரப் அலி, ஏ.சய்யீத் முஹம்மத், ஏ.நாகூர் மீரான், என்எஸ்.எம். முஹம்மத் யாஸர் அராபத் மற்றும் கணினி ஆசிரியர் என்.ரபீக் அஹ்மத் ஆகியோர் வாழ்த்திப் பேசினர்.

எம்.ஏ.எஸ். அபூதல்ஹா வரவேற்றார். வாவு வஜீஹா மகளிர் கல்லூரி செயலர் எம்.எம். மொகுதஸீம் நன்றி கூறினார்.

காயல்பட்டினத்தில் சிறப்பு தொழுகை

கேரள மாநில முஸ்லிம் லீக் தலைவர் ஷிகாப் தங்கல் மறைவையொட்டி காயல்பட்டினம் சிறிய குத்பா பள்ளியில் சிறப்பு தொழுகை நடைபெற்றது.

ஜூம்ஆ தொழுகைக்குப் பின் ஙாயிப் ஜனாஸô தொழுகை நடத்தப்பட்டது. குத்பா பெரிய பள்ளி கத்தீப் மவ்லவீ ஹாஃபிழ் எச்.ஏ. அஹ்மத் அப்துல் காதிர் மஹ்ழரி தொழுகையை நடத்தினார். திரளானோர் பங்கேற்றனர்.

காயல்பட்டணம் ஆயிஷா சித்தீக்கா மகளிர் இஸ்லாமியக் கல்லூரியில் இஸ்லாமியக் கல்வியுடன் பல்கலைக்கழகப் பட்டப்படிப்புகள்

காயல்பட்டணம் ஆயிஷா சித்தீக்கா மகளிர் இஸ்லாமியக் கல்லூரியில் இஸ்லாமியக் கல்வியுடன் பல்கலைக்கழகப் பட்டப்படிப்புகள்


நான்கு ஆண்டு கல்வித் திட்டம்


1. இக்கல்லூரியின் சித்தீக்கிய்யா B.I.S (Bachelor of Islamic studies)

2. மனோன்மணியம் சுந்தரனார் மற்றும் சென்னைப் பல்கலைக்கழகங்களில் அப்ஸலுல் உலமா B.Lit (Bachelor of Literature)

3. மனோன்மணியம் சுந்தரனார், மதுரை காமராஜர் மற்றும் தமிழ்நாடு திறந்தநிலை பல்கலைக்கழகங்களின் B.C.A. (Bachelor of Computer Application) அல்லது B.Com with computer Application


மாணவியருக்கான கல்வித்தகுதிகள்


1.திருக்குர்ஆனை சரளமாக ஓதத் தெரிந்திருப்பது, ஓதத் தெரியாதவர்கள் ஏப்ரல் முதல் மே மாதம் வரை (60 நாட்கள்) இக்கல்லூரியில் நடைபெறும் திருக்குர்ஆன் ஓதக் கற்றல் வகுப்பில் சேர்ந்து சரளமாக ஓதும் தகுதியைப் பெறுவது.

2.பிளஸ் டூ தேர்வில் தேர்ச்சி அல்லது ஜூன் 30 ஆம் தேதி அன்று 18 வயது பூர்த்தியான, பிளஸ் டூ தேர்ச்சிக்கு இணையான திறமையினைப் பெற்றிருப்பது, இதற்கான தேர்வு நடத்தப்படும்.


மூன்று ஆண்டு கல்வித் திட்டம்

8 ஆம் வகுப்பு முதல் 11 ஆம் வகுப்பு வரை படித்த திருக்குர் ஆனை சரளமாக ஓதத் தெரிந்த மாணவியருக்கு மூன்று ஆண்டு கல்வித் திட்டத்தில் நடைபெற்று வரும் சித்தீக்கிய்யா, அப்ஸலுல் உலமா ஆகிய வகுப்புகள் வழக்கம் போல் நடைபெற்று வருகின்றன.

லாப நோக்கின்றி உரிய கட்டணங்களை மட்டும் பெற்று சேவை மனப்பான்மையில் இயங்கும் இக்கல்லூரியின் நான்கு ஆண்டுகள் கல்வித் திட்டத்தில் மூன்று பட்டப்படிப்பு களையும், மூன்று ஆண்டு கல்வித் திட்டத்தில் சித்தீக்கிய்யா மற்றும் அப்ஸலுல் உலமா பட்டப்படிப்புகளையும் கற்றிட, மாணவியர் அஞ்சல் மூலம் தொடர்பு கொண்டு உரிய படிவங்களைப் பூர்த்தி செய்து ஜூன் 30 ஆம் தேதிக்குள் கிடைக்கச் செய்யுமாறு வேண்டுகிறோம்.


தொடர்புக்கு :

நிர்வாகி,
ஆயிஷா சித்தீக்கா மகளிர் இஸ்லாமியக் கல்லூரி,
அஞ்சல் பெட்டி எண் :8,
காயல்பட்டணம் – 628 204.
தொலைப்பேசி : +4639 283331, 281930, 283270

நன்றி : http://muduvaihidayath.blogspot.com/

காயல்பட்டினத்தை பரபரபாக்கிய முதியவர்

காயல்பட்டினத்தில் முகாமிட்டு பொதுமக்களை வேலை வாங்கிய முதியவரால் பரபரப்பு ஏற்பட்டது.

காயல்பட்டினம் பெரிய முத்துவாப்பா தைக்கா அருகில் சில தினங்களுக்கு முன்பு முதியவர் ஒருவர் முகாமிட்டிருந்தார்.

புகாரிஷ் ஷரீபு சபையின் அபூர்வ து ஆ நிகழ்ச்சிக்கு வருகை தந்ததாக கூறிய முதியவர் வருவோர் போவோரிடம் இளநீர், பதனீர் மற்றும் சாதம் என உரிமையுடன் கேட்டு வாங்கினார்.

அவரிடம் அவர்களது மூதாதையரை விசாரித்து தெரிந்துக் கொண்டார். நாளுக்குநாள் அவரால் அப்பகுதியில் சிரமம் ஏற்படவே அவரை அப்புறப்படுத்த இளைஞர்கள் எண்ணினர்.

சிலர் அவர் உருவத்தை வைத்து, அஞ்சலகத்தில் ரூ.13 லட்சம் பணம் முதலீடு செய்த எர்ணாகுளம் அருகேயுள்ள மாவூர்பள்ளியில் போலீஸôரால் பிடித்து விசாரிக்கப்பட்ட பணக்கார பிச்சைக்காரார் இவர்தான் எனக் கூறியதால் அவரைப் பார்க்கக் கூட்டம் கூடியது.

யானைக்கால் நோயால் அவதிப்பட்டு கொண்டிருந்த அவரை அப்பகுதி இளைஞர்கள் நைஸôக அவ்விடத்தை விட்டு அப்புறப்படுத்தினர். இருப்பினும், அவர் காயல்பட்டினத்தில் தான் முகாமிட்டுள்ளார் என பொதுமக்கள் தெரிவித்தனர்.

காயல்பட்டினத்தில் நாளை "புகாரிஷ் ஷரீபு"

காயல்பட்டினத்தில் நாளை சனிக்கிழமை (ஜூலை 25) புகாரிஷ் ஷரீபு நடைபெறுகிறது.

இங்கு மஜ்லிஸþல் புகாரிஷ் ஷரீபு 82-ம் ஆண்டு தொடக்க விழா கடந்த மாதம் 25-ம் தேதி தொடங்கியது. இம் மாதம் 26-ம் தேதி வரை இவ் விழா நடைபெறுகிறது.

நபிகள் நாயகம் மணிமொழிக் கோர்வையான அல்ஜாமிஉல் ஸஹீஹூல் எனும் பரிசுத்த கிரந்தம் 81 ஆண்டுகள் வாசித்ததுபோல இவ்வாண்டும் விழாவையொட்டி தினமும் அதிகாலை 5.30-க்கு தொடங்கி 9 மணி வரை வாசிக்கப்படுகிறது.

திங்கள், செவ்வாய்கிழமை புனித மிராஜ் தினமும், புதன்கிழமை புகாரி இமாம் நினைவு தினமும் கடைப்பிடிக்கப்பட்டன.

வியாழக்கிழமை புனிதர் புகாரி இமாம் ரழியல்லாஹூ அன்ஹூ மீது மெüலானா மெüலவி மர்ஹூம் அல்லாமா அல்ஹாபிழ் நஹ்வி முகம்மது இஸ்மாயினால் முப்தி ரஹ்மதுல்லாஹியால் தொகுக்கப்பட்ட மெüலீது ஷரீபு ஓதப்பட்டது.

இதையடுத்து வெள்ளிக்கிழமை (ஜூலை 24) புகாரி ஓதி ஹதீது நிகழ்த்த முடிவு செய்யப்பட்டுள்ளது.

நிறைவு நாள் நிகழ்ச்சிகள் சனிக்கிழமை நடைபெறுகின்றன. காலை 10.30-க்கு உலக அமைதி வேண்டியும், மழை வளம், தேசிய ஒற்றுமை உள்ளிட்டவை வேண்டி "அபூர்வ துஆ' எனும் சிறப்பு பிரார்த்தனை நடைபெறுகிறது.

புனித மக்கா ஷரீபு முப்தி இமாம் மெüலானா செய்யது அஹ்மதிப்னு ஜெய்னி தஹ்லானி ரழியல்லாஹூ அன்ஹூவால் தொகுக்கப்பட்ட இப் பிரார்த்தனை ஓதப்படும்.

இதில் நாட்டின் பல்வேறு பகுதிகளிலிருந்தும், வெளிநாடுகளிலிருந்தும் ஆயிரக்கணக்கான முஸ்லிம்கள் பங்கேற்பர்.

தொடர்ந்து ஞாயிற்றுக்கிழமை (ஜூலை 26) நேர்ச்சை விநியோகம் நடைபெறும். ஏற்பாடுகளை விழா கமிட்டியை சேர்ந்த எம்.கே. செய்யிது முஹம்மது, கே.எஸ். கிதுறு முஹம்மது, எம்.ஜே. செய்யிது இப்ராஹிம் மற்றும் நிர்வாகிகள் செய்து வருகின்றனர்.

காயல்பட்டினத்தில் ஜூலை 26-ல் புற்றுநோய் விழிப்புணர்வு கருத்தரங்கு

காயல்பட்டினத்தில் ஜூலை 26-ல் புற்று நோய் விழிப்புணர்வு கருத்தரங்கு மற்றும் ஜூலை 27-ல் மருத்துவ முகாமும் நடைபெறுகிறது.

காயல்பட்டினம் ஜலாலியா நிக்காஹ் மஜ்லிஸில் காலை 8 மணிக்கு நடைபெறுகிறது.

புற்றுநோய், தடுக்கும் நடவடிக்கைகள் பற்றி முகாமில் கலந்துகொள்ளும் ஆய்வாளர்கள், சமூக ஆர்வலர்கள், சிறப்பு மருத்துவர்கள் விளக்கம் அளிக்கின்றனர். ஜூலை 27 காலை 8 மணி முதல் முதல் மருத்துவ முகாமும் நடைபெறும்.