ஜூன் 30ம் தேதி முதல் 25 பைசா நாணயம் செல்லாது : ரிசர்வ் வங்கி

நம்நாட்டில் பயன்படுத்தப்பட்டு 25 பைசா நாணயம் ஜூன் 30ம் தேதி முதல் செல்லாது என ரிசர்வ் வங்கி அறிவித்துள்ளது. இந்த உத்தரவு அமலுக்கு வருகிறது.

இதுதொடர்பாக, ரிசர்வ் வங்கியின் சென்னை மண்டல இயக்குனர் கோ.ரா.ஆனந்தா நேற்று வெளியிட்ட அறிக்கை: இந்தியாவில் பயன்படுத்தப்பட்டு வரும் 25 பைசா மற்றும் அதற்கு குறைவான மதிப்புடைய நாணயங்களை புழக்கத்தில் இருந்து அகற்றி விட அரசு முடிவு செய்துள்ளது.

இந்திய நாணயச் சட்டம் 1906ன் கீழ், வரும் ஜூன் 30ம் தேதிக்கு பிறகு இந்த நாணயங்கள் செல்லாது. இவற்றை வங்கிகளிலும் மாற்றிக் கொள்ள முடியாது.

எனவே, ஜூன் 29ம் தேதிக்குள் சிறு நாணயக் கிடங்குகள் வைத்துள்ள வங்கிகள் மற்றும் அவற்றின் கிளைகள், ரிசர்வ் வங்கியின் அனைத்து வழங்கல் அலுவலகங்களிலும், பொதுமக்கள் இந்த நாணயங்களை மாற்றிக் கொண்டு அதற்கு இணையான பணத்தை பெற்றுக் கொள்ளலாம். இவ்வாறு அறிக்கையில் கூறப்பட்டுள்ளது.

தகவல் : தமிழ் முரசு

முதல்முறையாக 150 ரூபாய் நாணயம் வெளியாகிறது

இந்தியாவின் நாணய வரலாற்றில் முதல்முறையாக, 150 ரூபாய் நாணயத்தை மத்திய அரசு வெளியிடுகிறது.

வருமான வரித்துறை தொடங்கப்பட்டு, 150 ஆண்டுகள் ஆவதை குறிக்கும் வகையில், இந்த சிறப்பு நாணயம் வெளியிடப்படுகிறது.

வருகிற 28-ந் தேதி, பாராளுமன்றத்தில் மத்திய நிதி மந்திரி பிரணாப் முகர்ஜி பொது பட்ஜெட் தாக்கல் செய்வதற்கு முன்பு இந்த நாணயத்தை வெளியிடுகிறார்.

இந்த நாணயம், வெள்ளி, செம்பு, நிக்கல், துத்தநாகம் ஆகியவற்றை கலந்து உருவாக்கப்பட்டுள்ளது. இதன் முன்பக்கம், 'சத்யமேவ ஜெயதே', 'இந்தியா' ஆகிய வார்த்தைகளுடன் சர்வதேச வடிவமைப்பு கொண்டதாக இருக்கும். பின்பக்கத்தில், சாணக்கியர் படமும், தேனீயுடன் தாமரை மலர் படமும் இடம்பெற்று இருக்கும். 150 ரூபாய் மதிப்புள்ள 200 நாணயங்கள் அச்சிட்டு வெளியிடப்படும்.

மேலும், வருமான வரித்துறையின் 150-வது ஆண்டு கொண்டாட்டம் நிறைவடையும்போது, 5 ரூபாய் மதிப்புள்ள 100 சிறப்பு நாணயங்கள் வெளியிடப்படும். நாணயங்களும், 150 ரூபாய் நாணய வடிவமைப்பிலேயே, ஆனால் சற்று சிறியதாக இருக்கும்.

தகவல் : தட்ஸ்தமிழ்

மத்திய பட்ஜெட் 20010-11 முக்கிய அம்சங்கள்

மத்திய பட்ஜெட் 20010-11 முக்கிய அம்சங்கள்

1. சிறுபான்மையினர் நலத்துறைக்கு ரூ. 2600 கோடி

2. ரூ. 20 லட்சம் வரையிலான வீட்டுக் கடன்களுக்கு 1 சதவீத வட்டிச் சலுகை.

3. ரூ. 1000 கோடியில் அங்கீகரிக்கப்படாத தொழில் பிரிவினருக்கான சமூக பாதுகாப்பு நிதியம்.

4. ஊரக வளர்ச்சிக்கு ரூ. 66,000 கோடி ஒதுக்கீடு

5. குறைந்த விலை வீடுகளுக்கான மானியம் நீட்டிப்பு. குடிசையில்லா நகர்களை உருவாக்க திட்டம்

6. மகளிர், குழந்தைகள் நலனுக்கு ரூ.22,300 கோடி

7. தேசிய ஊரக வேலைவாய்ப்புத் திட்ட பணியாளர்களுக்கு 'ஸ்மார்ட் கார்ட்'

8. தேசிய ஊரக வேலைவாய்ப்புத் திட்ட பணியாளர்களுக்கு காப்பீட்டு திட்டம்

9. மகளிர், குழந்தைகள் நலனுக்கான நிதி 50 சதவீதம் அதிகரிப்பு

10. நகர்ப்புற வளர்ச்சி, நகர்ப்புற ஏழைகள் நலனுக்கு ரூ. 5,400 கோடி

11. இந்திரா ஆவாஸ் யோஜனா திட்டத்திற்கு ரூ. 10,000 கோடி

12. புந்தல்கந்த் வறட்சி நிவாரணத்திற்கு ரூ. 1200 கோடி நிதியுதவி

13. 2000 மக்கள் தொகை கொண்ட எல்லா கிராமங்களிலும் வஙகிகள் திறக்கப்படும்

14. பாரத் நிர்மான் திட்டத்திற்கு ரூ. 48,000 கோடி

15. தேசிய ஊரக வேலைவாய்ப்புத் திட்டத்துக்கு ரூ. 40,100 கோடி ஒதுக்கீடு

16. பள்ளிக் கல்வித் திட்டங்களுக்கு ரூ. 31600 கோடி

17. சுகாதாரத் துறை திட்டங்களுக்கு ரூ. 22,300 கோடி

18. இப்போதைய பொருளாதார வளர்ச்சி 7.2 சதவீதமாக உள்ளது

19. 2022ம் ஆண்டில் 20,000 மெகாவாட் சூரிய மின்சக்தி உற்பத்தி திட்டம்

20. ஊரக வளர்ச்சிக்கான நிதி 25 சதவீதம் அதிகரிப்பு

21. உணவுப் பாதுகாப்பு சட்ட மசோதா தயார்

22. மின் சக்தித் துறைக்கு ரூ. 5130 கோடி

23. சாலை கட்டமைப்பு வசதியைப் பெருக்க ரூ. 19894 கோடி

24. அடிப்படைக் கட்டமைப்பு வசதி மேம்பாட்டுக்கு ரூ. 1.73 லட்சம் கோடி

25. மரபு சாரா எரிசக்தித் திட்டங்களுக்கு ரூ. 1000 கோடி நிதி ஒதுக்கீடு.

26. தேசிய மாசு இல்லா எரிபொருள் நிதியம் அமைக்கப்படும்

27. விவசாயக் கடன்களுக்கு 2 சதவீத மானியம்

28. திருப்பூர் சாயப்பட்டறை கழிவுநீர் சுத்திகரிப்புக்கு ரூ.200 கோடி

29. வங்கித் துறையில் தனியாரை ஊக்குவிக்க நடவடிக்கை

30. சில்லறை வர்த்தகம் தொடர்பான உறுதியான நடவடிக்கை எடுக்கப்படும்.

31. 2011ம் ஆண்டில் ரூ. 3.75 லட்சம் கோடி விவசாயக் கடன் வழங்க இலக்கு.

32. 5 மாபெரும் உணவுப் பூங்காங்கள் அமைக்கப்படும்

33. தினந்தோறும் 20 கி.மீ புதிய தேசிய நெடுஞ்சாலை அமைக்கப்படும்

34. அதிக பொருளாதார மண்டலங்கள் அமைக்க திட்டம்

35. நெடுஞ்சாலைகள் மேம்பாட்டுக்கு 13 சதவீத கூடுதல் நிதி

36. வறட்சி, வெள்ளத்தால் பாதிக்கப்பட்ட விவசாயிகள் கடனை திருப்பிச் செலுத்த கால அவகாசம் மேலும் 6 மாதம் நீட்டிப்பு

37. வட கிழக்கில் விவசாயத்துறையை ஊக்குவிக்க ரூ. 400 கோடி நிதியுதவி

38. ஏற்றுமதியை ஊக்குவிக்க 2 சதவீத வரி சலுகை நீட்டிப்பு

39. அரசு வங்கிகள் விவசாய கடன்களை அதிக அளவில் அளித்து வருகின்றன

40. ஊரக வங்கிகளை மேலும் ஸ்திரப்படுத்த கூடுதல் நிதி

41. விவசாய வளர்ச்சிக்கு 4 அம்ச திட்டம்

42. அரசு பொதுத்துறை வங்கிகளுக்கு ரூ. 16,000 கோடி உதவி

43. பெட்ரோலிய விலைகள் குறித்த பாரிக் கமிட்டி பரிந்துரையை அமலாக்க யோசனை

44. 2 மாதங்களில் பணவீக்கம் கட்டுப்படுத்தப்படும்

45. வெளிநாட்டு நேரடி முதலீட்டு கொள்கை மேலும் எளிமையாக்கப்படும்.

46. மேலும் அதிக தனியார் வங்கிகளுக்கு லைசென்ஸ்கள் தரப்படும்

47. சமூக பொருளாதார திட்டங்களுக்கு அதிக நிதி

48. தனியார் முதலீடுகளால் 9 சதவீத வளர்ச்சி நிச்சயம் சாத்தியம்

49. நேரடி வரிகள் தொடர்பாக ஏப்ரல் 1ம் தேதி முதல் புது திட்டம்

50. உரங்கள் மீதான மானியம் குறைக்கப்படும்

51. இந்த ஆண்டு பொதுத்துறை நிறுவனங்களில் இருந்து ரூ. 25,000 கோடி அரசு முதலீட்டை வாபஸ் பெற இலக்கு

52. விரைவில் 10 சதவீத பொருளாதார வளர்ச்சி எட்டப்படும்

53. அரசுச் செலவீனங்களைக் குறைக்க நடவடிக்கை எடுக்கப்படும்

54. இரண்டு இலக்க பணவீக்கம் பெரும் கவலையளிக்கிறது

55. உலக பொருளாதார சிக்கலால் அறிமுகப்படுத்தப்பட்ட பொருளாதார சலுகைளை மறுபரிசீலனை செய்ய வேண்டியுள்ளது

56. உற்பத்தித்துறை 20 ஆண்டுகளில் இல்லாத அளவுக்கு பெரும் வளர்ச்சி கண்டுள்ளது

57. பெட்ரோலிய பொருட்கள் விலை உயர்வால் பணவீக்கம்-விலைவாசி உயர்ந்தது

58. உலக பொருளாதார சிக்கலை இந்தியா திறம்பட சமாளித்தது

59. உணவுப் பாதுகாப்பை உறுதிப்படுத்துவதற்கு முயற்சி

60. ஊரக அடிப்படை கட்டமைப்பு வளர்ச்சிக்கு முக்கியத்துவம்

61. அதிக பொருளாதார வளர்ச்சியை எட்டுவதே முக்கிய இலக்கு

61. 8 வருடங்களுக்கு முன்பிருந்ததை விட பொருளாதாரம் சிறப்பாக உள்ளது

62. தென் மேற்கு பருவ மழை பொய்த்ததால் உணவு உற்பத்தி பாதிப்பு

கடந்த பட்ஜெட்டின்போது பொருளாதார நிலைமை மிக மோசமாக இருந்தது. இப்போது நிலைமை மிகவும் முன்னேறியுள்ளது

ரூ. 3 முதல் ரூ. 5 லட்சம் வரை ஆண்டு ஊதியம் பெறுவோருக்கு வரி சலுகை!

பட்ஜெட்டில் அறிவிக்கப்பட்டுள்ள புதிய வருமான வரி விவரம்:

ஆண்டுக்கு 1 லட்சத்து 60 ஆயிரம் ரூபாய் வரை ஊதியம் பெறுவோருக்கு வரி கிடையாது.

ஒரு லட்சத்து 60 ஆயிரம் ரூபாய்க்கு மேல் 5 லட்சம் ரூபாய் வரை வருமானம் உள்ளவர்களுக்கு 10 சதவீத வரி விதிக்கப்படும்.

ரூ.5 லட்சம் முதல் ரூ. 8 லட்சம் வரை வருமானம் பெறுவோருக்கு 20 சதவீத வரி விதிக்கப்படும்.

ஆண்டுக்கு ரூ.8 லட்சத்துக்கு மேல் ஊதியம் பெறுவோருக்கு 30 சதவீத வரி விதிக்கப்படும் என்று அறிவிக்கப்பட்டுள்ளது

தகவல் : தட்ஸ்தமிழ்

ரயில்வே பட்ஜெட் 2010-முக்கிய அம்சங்கள்!

1. புனிதத் தலங்களை இணைக்கும் 'பாரத தீர்த்த யாத்திரை ரயில்கள்' அறிமுகம்

2. கடந்த 50 ஆண்டுகளில் வருட்துக்கு 180 கி.மீ. தான் புதிய பாதை அமைத்துள்ளோம்

3. 10 ஆண்டுகளில் 25,000 கி.மீ புதிய பாதை அமைக்க இலக்கு

4. சிறுபான்மையின மகளிருக்கு ரயில்வே தேர்வு கட்டணம் ரத்து

5. ரயில்வே தேர்வை மாநில மொழிகளிலும் நடத்த யோசனை

6. ரயில்வே தேர்வு ஆங்கிலம், இந்தி, உருது மொழிகள் நடத்தப்படும்.

7. கொல்கத்தா ரயில் நிலையம் முழுமையாக மாற்றியமைக்கப்படும்

8. வடகிழக்குப் பகுதி ரயில்வே வளர்ச்சிக்கு சிறப்புத் திட்டம் *தேசிய அதிவேக ரயில் கழகம் அமைப்பு

9. அடிப்படை வசதிகளுக்கு 40% கூடுதல் நிதி ஒதுக்கீடு

10.பொருளாதார நெருக்கடியையும் மீறி கூடுதல் சரக்குகளை கையாண்டுள்ளோம்

11. 2ம் வகுப்பு முன்பதிவில் சேவை கட்டணம் ரூ. 10 குறைப்பு

12. ரயில்வேயின் நிகர லாபம் ரூ. 1,328 கோடி

13. புதிய ரயில் பாதைகள் அமைக்க ரூ. 4,411 கோடி

14. 2011ம் ஆண்டில் மத்திய அரசுக்கு ரயில்வே ரூ. 6,608 கோடி டிவிடெண்ட்

15. சென்னை பெரம்பூர், சித்தரஞ்சன் ரயில் பெட்டி தொழிற்சாலைகள் நவீனமயமாக்கப்படும்

16. சிக்கன நடவடிக்கை மூலம் ரூ. 2,000 மிச்சம்

17. ரே பரேலியில் ரயில் பெட்டி தொழிற்சாலை

18. ரயில்வே பெண் ஊழியர் குழந்தைகளுக்கென பாதுகாப்பு மையங்கள் ( கிரெச்சுகள்)

19. 16 புதிய சுற்றுலா ரயில்கள் அறிமுகம்

20. சிறப்பு அதிவிரைவு ரயில் பாதைகள் அமைக்கப்படும்

21. ஐ.ஐ.டி, ஐ.ஐ.எமகள், மருத்துவமனைகள், கோர்ட்டுகளில் நடமாடும் வாகனங்கள் மூலம் இ டிக்கெட் வசதி

22. மாவட்ட தலைநகர்கள், பஞ்சாயத்துகளில் டிக்கட் கவுன்டர்கள்

23. சோதனை அடிப்படையில் 'டபுள் டெக்கர் ' ரயில்கள் அறிமுகம்

24. 93 ரயில் நிலையங்கள் நவீனப்படுத்தப்படும்

25. அம்பாலா, திருவனந்தபுரம், அமேதி, நாசிக் உள்ளிட்ட 6 இடங்களில் ரயில்வே குடி நீர் தொழிற்சாலைகள்

26. அடிப்படை வசதிகளை மேம்படுத்த ரூ.1302 கோடி

27. ரயில்வே பார்சல்களை வீடுகளிலேயே டெலிவரி செய்ய திட்டம்

28. மேற்கு மண்டல ரயில்வே காரிடார் அமைக்க ஜப்பான் நிறுவனத்துடன் ஒப்பந்தம்

29. ரயில்வேவுக்காக நிலம் தரும் குடும்பத்தில் ஒருவருக்கு வேலை

30. ரயில்வே சார்பில் பாட்டில் நீர் தயாரிப்பு நிலையங்கள் அமைக்கப்படும்

31. சிக்கன நடவடிக்கைகளால் ரயில்வே ஏராளமான நிதியை மிச்சம் பிடித்துள்ளது

32. ஏசி பெட்டி ரயில் கட்டணம் ரூ. 20 குறையும்

33. நிலம் கிடைத்தால் மே.வங்கத்தில் ரயில்வே டீசல் மையம் அமைக்கப்படும்

34. இந்த ஆண்டில் 54 புதிய ரயில்கள் *ரயில்வேவுக்காக வலுக்கட்டாயமாக நில ஆக்கிரமிப்பு இல்லை

35. ஏசி பெட்டி ரயில் கட்டணம் மீதான சேவை வரி ரூ. 40ல் இருந்து ரூ. 20 ஆகக் குறைப்பு

36. உணவுப் பொருட்கள், மண்ணெண்ணெய் கொண்டு செல்லும் சரக்குப் பெட்டிகளின் கட்டணம் ரூ. 100 குறைப்பு

37. 10 புதிய துரந்தோ ரயில்கள் *21 ரயில்களின் தூரம் நீட்டிக்கப்படும்

38. மும்பைக்கு 101 புதிய புறநகர் ரயில்கள், இந்த ஆண்டிலேயே 54 ரயில்கள் அறிமுகம்

39. 5 புதிய ரயில் பெட்டி தொழிற்சாலைகள் அமைக்கப்படும்

40. காரக்பூரில் ரயில்வே ஆராய்ச்சி மையம்

41. ரயில்கள் மோதலை தவிர்க்க நவீன கருவிகள், சிக்னல்கள் மேம்படுத்தப்படும்

42. ரயில்வே சார்பில் 'தாகூர் மியூசியம்கள்'

43. சென்னை, ஹைதராபாத், டெல்லியில் ரயில்வே விளையாட்டு அகாடெமிகள்

44. சட்டம்*ஒழுங்கு ரயில்வேயின் பணியல்ல.. அது மாநில அரசுகளின் பணி

45. ரயில்வே பாதுகாப்பில் முன்னாள் ராணுவத்தினர் ஈடுபடுத்தப்படுவர்

46. 5 ரயில்வே விளையாட்டு அகாடெமிகள் அமைக்கப்படும்

47. ஆளில்லா ரயில்வே கிராசிங்குகளில் 14,000 பணியாளர்கள் நியமனம்

48. டெல்லி காமன்வெல்த் விளையாட்டு போட்டிக்கு சிறப்பு ரயில்கள்

49. ரயில்வே ஊழியர்களுக்கு புதிய வீட்டு வசதி திட்டம்

50. சரக்கு கட்டணத்தில் மாற்றம் இல்லை

51. 7 மாதங்களில் 117 புதிய ரயில்கள்

52. 5 ஆண்டுகளில் அனைத்து ஆளில்லா ரயில்வே கிராசி்ங்குகளும் ஒழிக்கப்படும்

53. ரயில் நிலையங்கள் குறைந்த விலை குடிநீர்,அடுக்கு மாடி கார் நிறுத்தங்கள்

54. மருத்துவமனைகள், பல்கலைகளில் இ டிக்கெட் வேன்கள்

55. ரயில்வேயில் பெண்கள், சிறுபான்மையினருக்கு சலுகைகள்

56. வருடந்தோறும் 1000 கி.மீ. புதிய ரயில் பாதை

57. ரயில்வேயில் தனியார் திட்டங்களை ஊக்குவிக்க தனிக் குழு

58. தனியாருடன் இணைந்து செயல்படும் நேரம் வந்துவிட்டது

59. 100 நாட்களில் தனியார் திட்டங்களுக்கு அனுமதி

60. ஐ.ஐ.டி. காரக்பூரில் ரயில்வே ஆராய்ச்சி மையம்

61. ரயில்வே தனியார்மயமாகாது

தனிநபர் செல்போன்களுக்கு அவரவர் தேசிய அடையாள அட்டை எண்?

தேசிய அடையாள அட்டையில் இடம்பெறும் 10 இலக்க எண்ணையே செல்போன் எண்ணாக வழங்குவது குறித்து சி-டாட் பரிசீலித்து வருகிறது.

கடந்த ஆண்டு பாகிஸ்தானிலிருந்து பயங்கரவாதிகள் ஊடுருவி தாக்குதல் நடத்தியதைத் தொடர்ந்து நாட்டில் உள்ளவர்கள் அனைவருக்கும் அடையாள அட்டை வழங்க அரசு முடிவு செய்துள்ளது.

இதற்கென தனி ஆணையம் உருவாக்கப்பட்டுள்ளது. இதன் தலைவராக நந்தன் நிலகேணி நியமிக்கப்பட்டுள்ளார். தற்போது செல்போன் உபயோகிப்பாளர்களின் எண்ணிக்கை நாளுக்கு நாள் அதிகரித்து வருகிறது. மாதந்தோறும் ஒரு கோடி பேர் புதிதாக செல்போன்களை வாங்குகின்றனர். இதனால் 10 இலக்க எண்கள் ஒதுக்கீடு செய்வது பெரும் பிரச்னையாக உள்ளது. 10 இலக்க எண்கள் முற்றிலுமாக தீர்ந்துபோகும் நிலை ஏற்பட்டுள்ளது.

இதற்கு மாற்று ஏற்பாடுகளை உருவாக்க மத்திய தொலைத்தொடர்புத் துறை சி-டாட் முயற்சிகளை மேற்கொண்டு வருகிறது. தற்போது 11 இலக்கம் அல்லது 12 இலக்க எண்ணை ஒதுக்கலாமா என்பது குறித்தும் பரிசீலிக்கப்பட்டது. அவ்விதம் ஒதுக்கினாலும் அதிகரித்து வரும் செல்போன் உபயோகிப்பால் இந்த எண்களும் தீர்ந்துவிடும் வாய்ப்புள்ளது.
எனவே ஒரே எண்ணை பல வகைகளில் பயன்படுத்தும் முறையைக் கையாள முடிவு செய்யப்பட்டுள்ளதாக சி-டாட் செயல் இயக்குநர் பி.வி. ஆச்சார்யா தெரிவித்தார்.

அமெரிக்காவில் உள்ளது போல சமூக பாதுகாப்பு எண், தேசிய அடையாள அட்டை எண் உள்ளிட்ட அனைத்துக்கும் ஒரே எண் இருப்பது போல செல்போன் எண், ஓட்டுநர் உரிமம் அனைத்துக்கும் ஒரே எண் அளிப்பது குறித்து பரிசீலிக்கப்படுகிறது.

தற்போது இது பரிசீலனையில் உள்ளது. இதை அமல்படுத்துவது குறித்து உரிய அனுமதி பெற்று அதன் பிறகே சோதனை அடிப்படையில் பயன்படுத்தி பின்னர் செயல்பாட்டுக்குக் கொண்டு வர முடியும் என்றார் ஆச்சார்யா.

கடந்த மே மாதம் இது தொடர்பான கள ஆய்வு நடத்தப்பட்டது. இதற்கு எவ்வளவு செலவாகும் என்பதும் இறுதி செய்யப்படவில்லை.
இருப்பினும் ஓராண்டுக்குள் இது இறுதி வடிவம் பெறும் என்றும் ஆச்சார்யா நம்பிக்கை தெரிவித்தார்.

2003-ம் ஆண்டில்தான் செல்போன்களுக்கு 10 இலக்க எண் ஒதுக்கீடு செய்வதென தீர்மானிக்கப்பட்டது. 2030-ம் ஆண்டில் செல்போன் உபயோகிப்பாளர் எண்ணிக்கை 75 கோடியை எட்டும் என எதிர்பார்க்கப்பட்டது. ஆனால் தற்போதே செல்போன் உபயோகிப்பாளர் எண்ணிக்கை 44 கோடியைக் கடந்துவிட்டது.

தற்போது புழக்கத்தில் உள்ள 10 இலக்க எண்ணுக்கு மாற்றாக கூடுதலாக எண்கள் அதாவது 11 இலக்கமோ அல்லது குறைவாக 9 இலக்கமோ உபயோகிக்க வேண்டுமென்றால், செல்போன் சேவை அளிக்கும் நிறுவனங்கள் பெருமளவு தொகையை முதலீடு செய்ய வேண்டியிருக்கும்.
இதைக் கருத்தில் கொண்டு செல்போன் எண் முறையை சீரமைக்க அரசும் தனியார் செல்போன் நிறுவனங்களும் தீவிரம் காட்டுகின்றன.
1993-ம் ஆண்டு தொலைபேசி எண்கள் முறை வகுக்கப்பட்டது. பின்னர் இரண்டாவதாக 2003-ல் மாற்றப்பட்டது. தற்போது மீண்டும் மாற்ற வேண்டிய சூழல் ஏற்பட்டுள்ளது.

செல்போன் எண்கள் மாற்றப்படுவது இந்தியாவில் மட்டும் நிகழ்வதல்ல. உபயோகிப்பாளர் எண்ணிக்கை அதிகரிப்பதற்கேற்ற சீனா, இங்கிலாந்து ஆகிய நாடுகளிலும் மாற்றப்பட்டுள்ளது.

எந்தப் பகுதிக்கு பணம் அனுப்பினாலும் உடனடியாக சேரும்:அஞ்சல் துறை சேவையில் மற்றொரு புதுமை

சென்னை: ""அஞ்சல் துறையில் உடனடி பண பரிமாற்றம் செய்வதற்காக "யூரோ-ஜீரோ' திட்டத்தை வரும் அக்டோபர் மாதம் அறிமுகப்படுத்தவுள்ளோம். அத்திட்டத்தின் படி, உலகின் எந்த பகுதிக்கு பணம் அனுப்பினாலும் அடுத்த ஒரு மணி நேரத்தில் "எலக்ட்ரானிக் டிரான்ஸ்பர்' மூலம் பணம் பெற்று கொள்ளலாம்,'' என்று அஞ்சல் துறையின் சரக்கு விமான சேவையை துவக்கிவைத்த மத்திய அமைச்சர் ராஜா பேசினார்.

அஞ்சல்துறையின் சரக்கு விமான சேவை துவக்க விழா சென்னை விமான நிலையத்தில் நேற்று நடந்தது. விழாவில், அஞ்சல் சேவை கழகத்தின் செயலாக்க உறுப்பினர் மஞ்சுளா பிரசர் வரவேற்றார்.அஞ்சல் துறையின் சரக்கு விமான சேவையை கொடியசைத்து துவக்கி வைத்து, சிறப்பு உறையை வெளியிட்ட மத்திய தகவல் மற்றும் தொழில் நுட்பத்துறை அமைச்சர் ராஜா பேசியதாவது:இந்தியாவில் மரபும், சேவையும் மாறாமல் இருப்பது ரயில்வே மற்றும் அஞ்சல் துறை.

ரயில்வே துறையாவது இந்தியாவில் சில இடங்களுக்கு சென்றடையவில்லை. ஆனால், ஆறு லட்சம் கிராமங்களை 1.55 லட்சம் தபால் நிலையங்கள் இணைத்துள்ளன. கடந்த இரண்டு ஆண்டுகளில் அஞ்சல் துறை புதிய பொலிவு பெற்றுள்ளது. இந்த துறை தபால்களை மட்டும் கொண்டு சேர்க்கும் துறை அல்ல. பெற்றோருக்கும் பிள்ளைக்கும் உள்ள பாசத்தை, முதலாளிக்கும் தொழிலாளிக்கும் உள்ள நம்பிக்கையை கொண்டு போய் சேர்க்கும் துறை.

அஞ்சல் துறை நவீனப்படுத்தாவிட்டால் எதிர்காலத்தில் சிதைந்து போகும் சூழல் ஏற்படும். இது சேவை துறை. இதில், லாபம் எதிர் பார்க்க கூடாது. வருவாயை கூட்டும் முயற்சி மேற்கொள் ளப்படாமல் இல்லை. வருவாயுடன் பொதுமக்கள் சேவை நோக்கத்தோடு இத்துறை செயல்பட வேண்டியுள்ளது.

கைத்தறி நெசவாளர்களுக்கான சாந்த் கபீர் விருது - 2009

ரூபாய் நோட்டுகளின் வடிவமைப்பு ரகசியம் கசிவு-சிபிஐ

2005ம் ஆண்டு அச்சிடப்பட்ட நோட்டுகளின் வடிவமைப்பு ரகசியம் அடங்கிய 'டெம்ப்ளேட்' (template) வெளியில் கசிந்துவிட்டதால் தான் 500 ரூபாய், 1000 ரூபாய் கள்ள நோட்டுகள் அதிகரித்துவிட்டதாக என்று சிபிஐ தெரிவித்துள்ளது.

நாட்டில் கள்ள நோட்டு அச்சடிப்பு அதிகரித்து வருவது குறித்து சிபிஐ, வருவாய் புலனாய்வுப் பிரிவினர், ரிசர்வ் வங்கி அதிகாரிகள், மத்திய தடயவியல் ஆய்வக அதிகாரிகள் அடங்கிய குழு தீவிர விசாரணை நடத்தியது. அதில் பல திடுக்கிடும் தகவல்கள் தெரியவந்துள்ளன.

ரூபாய் நோட்டுகளை அச்சடிக்கும்போது அதில் பாதுகாப்பு கருதி மேற்கொள்ளப்படும் சங்கேத குறியீடு, வடிவமைப்பு ரகசியங்கள் அடங்கிய 'டெம்பிளேட்' கள்ள நோட்டு அச்சிடும் கும்பல்களின் கையில் எப்படியோ போய்ச் சேர்ந்துள்ளது.

இதைக் கொண்டு தான் 500, 1000 ரூபாய் நோட்டுக்களை இந்தக் கும்பல்கள் அச்சிட்டு வெளியிட ஆரம்பித்துள்ளன.

கள்ள நோட்டுகள் அச்சடிப்போருக்கு அது எந்த காகிதத்தில் அச்சடிக்கப்படுகிறது, அதற்கு எந்த வகை மை பயன்படுத்தப்படுகிறது, அது எங்கு கிடைக்கும், நோட்டுகளின் மையத்தில் உள்ள சில்வர் பார், வாட்டர் மார்க் வடிவமைபபு போன்ற தகவல்கள் எளிதாகக் கிடைத்து வருகின்றன என்றும் சிபிஐ கூறியுள்ளது.

மேலும் எந்த வகையான மையை, எந்தெந்த அளவில் பயன்படுத்தினால் உண்மையான நோட்டுகளுக்கு நிகராக தன்மையைக் கொண்டு வர முடியும் போன்ற விவரங்களையும் இந்தக் கும்பல்கள் அறிந்து வைத்துள்ளன என்று சிபிஐ தெரிவித்துள்ளது.

இந்த ரகசியம் வெளியில் கசிந்ததில் பாகிஸ்தானின் உளவுப் பிரிவின் கைவரிசை இருக்கக் கூடும் என்று சந்தேகி்க்கப்படுகிறது.

நாட்டில் கடந்த ஆண்டு ஜூன் வரை ரூ. 1,69,000 கோடி அளவுக்கு கள்ள நோட்டுகள் புழக்கத்தில் இருப்பதாக ரிசர்வ் வங்கி கணித்துள்ளது.

விமானப் பயணிகளுக்கு கட்டாய மருத்துவப் பரிசோதனை அட்டை: மத்திய அரசு உத்தரவு

பன்றிக் காய்ச்சல் பீதி எதிரொலியாக, விமானப் பயணிகளுக்கு மருத்துவப் பரிசோதனை அட்டை கட்டாயம் வழங்க வேண்டும் என்றும், அவ்வாறு வழங்காத விமான நிறுவனங்கள் மீது கடும் நடவடிக்கை எடுக்கப்படும் என்றும் விமானப் போக்குவரத்துத் துறை இயக்குனரகம் (The Directorate General of Civil Aviation - DGCA) எச்சரிக்கை விடுத்துள்ளது.

உலகளவில் பெரும் பீதியை ஏற்படுத்தியுள்ள பன்றிக் காய்ச்சல் நோய் இந்தியாவில் வேகமாக பரவி வருகிறது. இந்தியாவில் இந்நோய்க்கு இதுவரை 14 பேர் பலியாகியுள்ளனர். நோயை கட்டுப்படுத்த மத்திய, மாநில அரசுகள் தீவிர நடவடிக்கைகள் மேற்கொண்டுள்ளன.

அதன்படி, இந்தியாவில் இருந்து வெளிநாடு செல்லும் அல்லது வெளிநாட்டில் இருந்து இந்தியா வரும் விமானப் பயணிகளுக்கு மருத்துவப் பரிசோதனை செய்ய வேண்டும் என்றும், அவ்வாறு பரிசோதனை செய்யப்பட்ட பயணிகளுக்கு, பரிசோதனை செய்துகொண்டதற்கான 'மருத்துவப் பரிசோதனை அட்டை' (Health Screening Card) வழங்க வேண்டும் என்றும் அனைத்து விமான நிறுவனங்களுக்கும் விமானப் போக்குவரத்து துறை இயக்குனரகம் (DGCA) அறிவுறுத்தியிருந்தது.

இதுதொடர்பாக, கடந்த ஏப்ரல் மாதமே அனைத்து விமான நிறுவனங்களுக்கும் DGCA கடிதம் எழுதியிருந்தது. மே மற்றும் ஜூன் மாதங்களிலும் நினைவூட்டல் கடிதங்கள் அனுப்பப்பட்டன. எனினும், பெரும்பாலான விமான நிறுவனங்கள் விமானப் பயணிகளுக்கு மருத்துவப் பரிசோதனை செய்ததற்கான அட்டை வழங்குவதில்லை என்று தெரியவந்தது.

எனவே, இதுதொடர்பாக விமான நிறுவனங்களுக்கு DGCA மீண்டும் அறிவுறுத்தியுள்ளது. இனிமேலும், விமானப் பயணிகளுக்கு மருத்துவப் பரிசோதனை செய்ததற்கான அட்டை வழங்காவிட்டால் கடும் நடவடிக்கை எடுக்கப்படும் என்றும் எச்சரிக்கை விடுத்துள்ளது.

இதுவரை, விமானப் பயணிகளுக்கு மருத்துவப் பரிசோதனை அட்டை வழங்கப்பட்டது குறித்த விபரங்களை அறிக்கையாக சமர்பிக்கும்படியும் இந்தியாவில் விமானங்களை இயக்கும் அனைத்து விமான நிறுவனங்களுக்கும், DGCA உத்தரவிட்டுள்ளது.

ஒன்றரை ஆண்டுகளில் அனைவருக்கும் அடையாள அட்டை!

டெல்லி: அடுத்த ஒன்றரை ஆண்டுகளில் நாட்டிலுள்ள அனைத்து மக்களுக்கும் பல்வகைப் பயன்பாட்டுக்குரிய அடையாள அட்டை வழங்கப்படும் என்று இந்தத் திட்டத்தின் தலைவர் நந்தன் நிலேகனி தெரிவித்துள்ளார்.

நாடு முழுவதிலும் குடிமக்களுக்கு தனிப்பட்ட எண்ணுடன் கூடிய பல்நோக்கு அடையாள அட்டை வழங்குவதற்காக, தனி ஆணையம் அமைக்கப்பட்டுள்ளது. மத்திய 'கேபினட்' அமைச்சர் அந்தஸ்துள்ள இந்த ஆணையத்தின் தலைவராக இன்போஸிஸ் இணை நிறுவனர் நந்தன் நிலேகெனி, நேற்று டெல்லியில் பொறுப்பு ஏற்றுக் கொண்டார்.

பின்னர் நிருபர்களுக்கு பேட்டி அளித்த அவர், குடிமக்கள் பற்றிய தனிப்பட்ட மற்றும் மக்கள் தொகை விவரங்களை உள்ளடக்கியதாக இந்த அடையாள அட்டை இருக்கும் என்று தெரிவித்தார்.

இந்த அடையாள எண்களின் முதல் தொகுப்பு அடுத்த 12 முதல் 18 மாதங்களுக்குள் வழங்கப்படும் என்றும் அவர் தெரிவித்தார்.

பொது இடங்களில் கோவில், மசூதி, சர்ச் கட்டக் கூடாது - சுப்ரீம் கோர்ட்

டெல்லி: பொது இடங்களில் கோவில்கள், சர்ச்சுகள், மசூதிகல், குருத்வாராக்கள் உள்ளிட்ட எந்தவிதமான வழிபாட்டு தலங்களையம் கட்டக் கூடாது. இதை அரசு அனுமதிக்கக் கூடாது என்று உச்சநீதிமன்றம் அதிரடி உத்தரவைப் பிறப்பித்துள்ளது.

குஜராத் மாநிலத்தில் பொது இடங்கள், சாலைகள், தெருக்களில் இடம் பெற்ற வழிபாட்டுத் தலங்கள் உள்ளிட்ட அங்கீகாரம் பெறாத கட்டடங்களை இடிக்குமாறு 2006ம் ஆண்டு குஜராத் மாநில உயர்நீதிமன்றம் அகமதபாத் நிர்வாகிகளுக்கு உத்தரவிட்டது.

இதை எதிர்த்து உச்சநீதிமன்றத்தில் மேல் முறையீடு செய்யப்பட்டது. இதையடுத்து குஜராத் உயர்நீதிமன்ற உத்தரவுக்கு இடைக்கால தடை விதிக்கப்பட்டது.

இந்த நிலையில் இன்று இந்த மனு மீண்டும் நீதிபதிகள் தல்வீர் பண்டாரி, எம்.கே.சர்மா ஆகியோர் அடங்கிய பெஞ்ச் முன்பு விசாரணைக்கு வந்துத.

அப்போது சாலைகள், தெருக்கள் உள்ளிட்ட பொது இடங்களில் கோவில்கள், சர்ச்சுகள், மசூதிகள், குருத்வாராக்கள் என எந்த வழிபாட்டுத் தலமும் இடம் பெறக் கூடாது.

தற்போது உள்ள வழிபாட்டுத் தலங்களை அகற்றினால் சட்டம் ஒழுங்கு பிரச்சினை ஏற்படக் கூடும் என வாதிடுவதை ஏற்க முடியும். இருப்பினும், மத்திய அரசு எதிர்காலத்தில் பொது இடங்களில் எந்தவிதமான வழிபாட்டுத் தலமும் இடம் பெறாமல் உறுதியான நடவடிக்கை எடுக்க வேண்டும்.

பொது இடத்தில் யாராவது ஒருவர் வழிபாட்டுத் தலத்தை ஏற்படுத்தினாலும் கூட அதை அனுமதித்த அதிகாரிகள் மீது கடும் நடவடிக்கை எடுக்கப்பட வேண்டும்.

இந்த விவகாரம் குறித்து அரசு சொலிசிட்டர் ஜெனரல் கோபால் சுப்ரமணியம் நான்கு வாரங்களுக்குள் மத்திய அரசின் கருத்தை தாக்கல் செய்ய வேண்டும் என்று உத்தரவிட்டனர்.

அதற்குப் பதிலளித்த கோபால் சுப்ரமணியம், மத்திய அரசு இதுகுறித்து அனைத்து மாநில அரசுகளுடன் பேசி ஒருமித்த முடிவை ஏற்படுத்த முயலும் என்று உறுதியளித்தார்.

இதையடுத்து வழக்கு செப்டம்பர் 29ம் தேதிக்கு ஒத்திவைக்கப்பட்டது

சந்த்ரயான் விண்கலத்தின் சென்சார் பழுதானது-தொடர்ந்து இயங்குவதில் சிக்கல்!

இந்தியா மிகப் பெரும் ஆராவாரத்துடன் நிலவுக்கு அனுப்பிய சந்த்ரயான்-1 விண்கலத்தின் முக்கிய சென்சார் பழுதடைந்துவிட்டது. இதனால் அந்த விண்கலமே பயனில்லாமல் போகும் என்று தெரிகிறது.

நிலவை ஆராய கடந்த ஆண்டு அக்டோபர் மாதம் 22ம் தேதி இந்த விண்கலத்தை பிஎஸ்எல்வி ராக்கெட் மூலம் விண்ணில் செலுத்திய இந்திய விண்வெளி ஆராய்ச்சி மையமான இஸ்ரோ.

இந்தக் கலத்திலிருந்து பிரிந்து சென்ற ஒரு துணைக் கலம் நிலவைத் தொட்டது. அதே நேரத்தில் சந்த்ராயன்-1 விண்கலம் நிலவை 100 கி.மீ. உயரத்தில் சுற்றிவந்தபடி படங்கள் எடுத்தும், நிலவின் வளி மண்டலத்தில் சில ஆய்வுகளையும் நடத்தி வந்தது.

இந் நிலையில் அதன் 'ஸ்டார் சென்சார்' பழுதடைந்துவிட்டது.

இந்த ஸ்டார் சென்சார் தான் சந்த்ராயன்-1 விண்கலத்தை நிலவை நோக்கி திரும்பியிருக்கச் செய்வதில் முக்கிய பங்கு வகிப்பதாகும். இது பழுதடைந்துவிட்டதால் சந்த்ராயனின் கேமராக்கள் நிலவை விட்டு வேறு பக்கமாக திரும்பிவிட்டன.

இதையடுத்து சந்த்ராயனில் உள்ள ஆன்டெனா உதவியாலும், கைராஸ்கோப்கள் உதவியாலும் விண்கலத்தை நிலவை நோக்கித் திருப்பியுள்ளனர் இஸ்ரோ விஞ்ஞானிகள். ஆனால், சென்சார் உதவியில்லாமல் தொடர்ந்து நீண்ட நாட்கள் இப்படியே வைத்திருக்க முடியாது.

எனவே 2 ஆண்டுகள் நிலவை ஆராயும் வகையில் உருவாக்கப்பட்ட சந்த்ராயனின் ஆயுட்காலம் விரைவிலேயே முடிவுக்கு வந்துவிடும் என்று கருதப்படுகிறது.

(பழங்காலத்தில் முக்கிய நட்சத்திரங்களை வைத்து முன்னோர்கள் திசைகளை அறிந்தது மாதிரி, சந்த்ராயனில் உள்ள ஸ்டார் சென்சாரும் நட்சத்திரங்களை அடிப்படையாக வைத்து நிலவி்ன் திசையை உணர்ந்து, விண்கலத்தை அதை நோக்கி திருப்பும் கருவியாகும்).

ஆக.6, 7 தேதிகளில் வங்கி ஊழியர் ஸ்டிரைக்!

ஊதிய உயர்வு மறு சீரமைப்பு கோரிக்கையை வலியுறுத்தி ஐக்கிய வங்கிப் பணியாளர் யூனியன் நாடு தழுவிய இரண்டு நாள் வங்கி ஊழியர் வேலை நிறுத்தத்துக்கு அழைப்பு விடுத்துள்ளது.

வருகிற ஆகஸ்ட் 6 மற்றும் 7-ம் தேதிகளில் இந்த வேலை நிறுத்தம் நடைபெறும் என்றும், யூனியனில் உள்ள 950000 பணியாளர்களும் இந்த வேலை நிறுத்தத்தில் ஈடுபடுகிறார்கள்.

இதுகுறித்து யூனியன் அமைப்பாளர் வெங்கடாச்சலம் கூறியிருப்பதாவது:

வங்கிப் பணியாளர்களின் சம்பள திருத்தக் கோரிக்கைகளை மத்திய அரசும், இந்திய வங்கிகள் சங்கமும் புறக்கணித்ததன் மூலம், இந்த நாடு தழுவிய போராட்டத்துக்கு எங்களை தள்ளிவிட்டுள்ளனர். 2007-ம் ஆண்டிலிருந்து நிலுவையில் உள்ள கோரிக்கை இது என்பது குறிப்பிடத்தக்கது.

இந்திய வங்கிகள் சங்கத்துடன் நடத்திய பேச்சு வார்த்தைகள் தோல்வியில் முடிந்ததாலேயே வேலை நிறுத்தம் செய்யும் முடிவுக்கு வந்துள்ளோம். கடந்த ஜூன் 9-ம் தேதியன்று நடத்திய பேச்சுக்களின்போது 17.5 சதவிகிதம் ஊதிய உயர்வு தர ஒப்புக் கொண்ட சங்கம், பின்னர் திடீரென 15 சதவிகிதம்தான் தரமுடியும் என பின் வாங்கியதை வன்மையாகக் கண்டிக்கிறோம், என்றார்.

திட்டமிட்டபடி ஆகஸ்ட் 6 மற்றும் 7ம் தேதிகளில் வேலை நிறுத்தம் நடைபெறும் என்றும் அவர் கூறியுள்ளார்.

ரயில்வே பணியிடம் உள்ளூர்வாசிகளுக்கு 50%: பரிசீலிக்க மம்தா முடிவு

ரயில்வே பணியிடங்களில் உள்ளூர்வாசிகளுக்கு 50 சதவீத இடங்கள் ஒதுக்குவது குறித்து பரிசீலிக்கப்படும் என்று ரயில்வே அமைச்சர் மம்தா பானர்ஜி கூறினார்.

ரயில்வே பட்ஜெட் மீது மக்களவையில் நடைபெற்ற விவாதங்களுக்கு வியாழக்கிழமை பதிலளித்து பேசும்போது அவர் இத் தகவலை வெளியிட்டார்.

மேலும் ரயில்வே தேர்வுகளுக்கான கேள்வித்தாள் உள்ளூர் மொழிகளில் தயாரிப்பது குறித்தும் பரிசீலிக்க இருப்பதாக அவர் கூறினார்.

நிபுணர் குழு: ரயில்வே துறை மேம்படுத்தி சீரமைக்க ஃபிக்கி பொதுச் செயலர் அமித் மித்ரா தலைமையில் நிபுணர் குழு அமைக்கப்படும் என்று அவர் அறிவித்தார்.

தகவல் அறியும் உரிமை

இந்திய அரசியல் அமைப்புச் சட்டம் நமக்குச் சில அடிப்படை உரிமைகளை வழங்கியுள்ளது. அந்த அடிப்படை உரிமைகளுக்கு வலுச் சேர்க்கும் விதமாக கடந்த 2005}ம் ஆண்டில் தகவல் அறியும் உரிமைச் சட்டத்தை மத்திய அரசு இயற்றியது. இந்த உரிமையை பேச்சுரிமையின் ஒரு பகுதியாக உச்ச நீதிமன்றம் அங்கீகரித்திருக்கிறது. இந்தச் சட்டத்தின்படி எந்தவொரு அரசு மற்று அரசுத்துறை நிறுவனங்களிடமிருந்து எந்த மாதிரியான தகவல்களையும் பெற முடியும்.


இங்கு தகவல் என்பது பலதரப்பட்ட அர்த்தங்களைக் கொண்டது. அதாவது பதிவேடுகள், ஆவணங்கள், கடிதங்கள், இ}மெயில்கள், கருத்துகள், அறிவுரைகள், பத்திரிகை வெளியீடுகள், சுற்றறிக்கைகள், உத்தரவுகள், ஒப்பந்தங்கள், மாதிரிகள் உள்ளிட்ட அனைத்துமே 'தகவல்' என்ற பிரிவின்கீழ் வைக்கப்படுகின்றன.


அரசுத்துறைகளிடம் தனியார் நிறுவனங்களின் விவரங்கள் இருந்தால், அதைக்கூடக் கேட்டுப் பெற முடியும். எடுத்துக்காட்டாக. ஒரு தனியார் நிறுவனத்தின் ஆண்டுக் கணக்கு, இயக்குனர் குழுமம் உள்ளிட்ட விவரங்களைப் பெற வேண்டுமானால், கம்பெனிகளுக்கான பதிவாளர் அலுவலகத்துக்கு தகவல் அறியும் உரிமைச் சட்டத்தின்கீழ் மனுச் செய்யலாம். இதேபோல், அறக்கட்டளை, அரசு சாரா நிறுவனம் உள்ளிட்டவற்றின் விவரங்கள் அறக்கட்டளை ஆணையர் அலுவலகத்தை அணுகிப் பெற முடியும்.


தகவல்களைப் பெறுவது நமக்கு எந்தவகையில் உதவும் என்று கேள்வி எழலாம். ஒரு அரசு நிறுவனத்தில் இருந்து எந்தத் தகவலையும் பெற முடிவதால், அரசு நிர்வாகத்தால், வெளிப்படைத்தன்மையும், பொறுப்பும் அதிகரிக்கிறது. இதனால், லஞ்சமும் ஊழலும் குறைகின்றன.


அரசு எப்படிச் செயல்படுகிறது என்பதையும் திட்டங்கள் அனைத்தும் மக்களை முறையாகப் போய்ச் சேருகின்றனவா என்பதையும் தகவல்கள் மூலமாகத்தான் தெரிந்துகொள்ள முடியும். ஏதாவது குறைகள் இருப்பின் அதைக் களைய வேண்டும் என்ற பொறுப்பும் அரசுக்கு ஏற்படும். இதன் மூலம் ஜனநாயகத்தில் மக்கள் ஆக்கப்பூர்வமாகப் பங்கெடுத்துக் கொள்ள வழி ஏற்படுகிறது.

3 மாவட்டங்களுக்கு 400 ஏ.சி. பஸ்கள்

""திருவள்ளூர், காஞ்சிபுரம் மற்றும் வேலூர் ஆகிய 3 மாவட்டங்களுக்கு 400 ஏ.சி. பஸ்கள் வழங்கப்படும்'' என்று போக்குவரத்துத் துறை அமைச்சர் கே.என்.நேரு புதன்கிழமை தெரிவித்தார்.

இதுதொடர்பாக, சட்டப் பேரவையில் உறுப்பினர்களின் கேள்விகளுக்கு அவர் பதிலளிக்கையில், ""இந்த ஆண்டு ஆயிரம் ஏ.சி. பஸ்கள் வாங்கப்படும். அதில், மூன்று மாவட்டங்களுக்கு 400 பஸ்கள் கொடுக்கப்படும்'' என்றார்.

மக்களவையில் பட்ஜெட் தாக்கல்

நாடாளுமன்ற மக்களவையில் 2009-10 ம் நிதியாண்டு்க்கான பொது பட்ஜெட்டை நிதியமைச்சர் பிரணாப் முகர்ஜி தாக்கல் செய்தார்.



பட்ஜெட்டின் முக்கிய அம்சங்கள்.



வேளாண் துறையில் 4% சதவீத வளர்ச்சியை எட்ட உறுதி.

2014-ம் ஆண்டுக்குள் நாட்டில் ஏழைகளின் எண்ணிக்கை பாதியாகக் குறைக்க நடவடிக்கை.

அனைத்தையும் உள்ளடக்கிய வளர்ச்சிக்கு முக்கியத்துவம்.

ஆண்டுக்கு 1.2 கோடி புதிய வேலைவாய்ப்புகளை உருவாக்கத் திட்டம்.

ஆரம்பர சுகாதாரத்துறை வலுப்படுத்த தேவையான நடவடிக்கைகள் எடுக்கப்படும்.

9% வளர்ச்சியை எட்டுவதற்குத் தீவிர முயற்சி.

அன்னிய மூலதன வரவுகள் அதிகரிக்கப்பட வேண்டும்.

சமூக நலத் திட்டங்களுக்குக் கூடுதல் நிதி ஒதுக்கீடு.

பெட்ரோலியப் பொருள்களின் விலையை நிர்ணயம் செய்ய நிபுணர் குழு அமைக்கப்படும்.

தேசிய நெடுஞ்சாலைத் துறைக்கான ஒதுக்கீடு அதிகரிக்கப்படும்.

விவசாயிகளுக்கு 7% வட்டியில் ரூ.3 லட்சம் வரை கடன். உரிய நேரத்தில் கடனைத் திருப்பிச் செலுத்துவோருக்கு சலுகை வட்டியில் கடன்.

அரசு, தனியார் ஒத்துழைப்புடன் வேலைவாய்ப்பு அலுவலகங்கள் அமைக்கத் திட்டம்.

தேசிய ஊரக வேலைவாய்ப்பு உறுதித் திட்டத்துக்கான நிதி ஒதுக்கீடு 144% அதிகரிப்பு.

ஜவாஹர்லால் நேரு நகர புனரமைப்புத் திட்டத்துக்கான நிதி ஒதுக்கீடு 80 % அதிகரிப்பு.

இலங்கைத் தமிழர் மறுவாழ்வுக்காக ரூ.500 கோடி நிதி ஒதுக்கீடு.

ஏழைக் குடும்பங்களுக்கு ரூ. 3 விலையில் 25 கிலோ அரிசி அல்லது கோதுமை.

பாரத் நிர்மாண் திட்ட ஒதுக்கீடு 45% அதிகரிப்பு.

ஆறுகள் மற்றும் ஏரிகள் பாதுகாப்புக்காக ரூ.562 கோடி ஒதுக்கீடு.

காவல்துறையை நவீனப்படுத்து ரூ.430 கோடி.

எல்லைப் பாதுகாப்பை வலுப்படுத்து ரூ.2284 கோடி.

வருமான வரி உச்ச வரம்பு ரூ.1,60,000 ஆக உயர்வு. மூத்த குடிமக்களுக்கு ரூ.2,40,000-ஆகவும், பெண்களுக்கு ரூ.1,80,000 ஆகவும் உயர்வு.

நிறுவன வரியில் மாற்றமில்லை.

காமன்வெல்த் விளையாட்டுப் போட்டிகளுக்கான நிதி ஒதுக்கீடு ரூ.3172 கோடியாக அதிகரிப்பு.

ஒவ்வொரு மாநிலத்திலும் ஒரு மத்தியப் பல்கலைக்கழகம் ஏற்படுத்த முடிவு.

எல்சிடி மானிட்டர்கள் மீதான இறக்குமதி வரி பாதியாகக் குறைப்பு.

செட்-டாப் பாக்ஸ் மீது 5% இறக்குமதி வரி.

தங்கம், வெள்ளி மீதான இறக்குமதி வரி அதிகரிப்பு.

2009-10 ‌நி‌தியா‌ண்டி‌ற்கான ர‌யி‌ல்வே ‌நி‌தி‌நிலை அ‌றி‌‌க்கை

2009-10 நி‌தியா‌ண்டி‌ற்கான ர‌யி‌ல்வே ‌நி‌தி‌நிலை அ‌றி‌க்கையை படி‌க்க‌த் துவ‌ங்‌கிய ர‌யி‌ல்வே அமை‌ச்ச‌ர் ம‌ம்தா பான‌ர்‌ஜி தனது இ‌ந்த ‌நி‌தி‌நிலை அ‌றி‌க்கை ம‌னித முக‌ம் கொ‌ண்டதாக இரு‌க்கு‌ம் எ‌ன்று கூ‌றி ‌நி‌தி‌நிலை அ‌றி‌க்கையை‌ப் படி‌க்க‌த் துவ‌ங்‌கினா‌ர்.

ர‌யி‌ல்வே ‌நி‌தி‌நிலை அ‌றி‌க்கை நமது நா‌ட்டி‌ல் உ‌ள்ள சமூக‌த்‌தி‌ன் அடி‌த்த‌‌ட்டு ம‌க்களையு‌ம், ஏ‌ழ்மை‌யி‌ல் உழ‌ல்பவ‌ர்களையு‌ம் கரு‌த்‌தி‌ல் கொ‌ண்டு உருவா‌க்க‌ப்ப‌டுவதாக இரு‌க்க வே‌ண்டு‌ம் எ‌ன்று கூ‌றினா‌ர்.

8 ஆ‌ண்டுகளு‌க்கு‌ப் ‌பிறகு ‌மீ‌ண்டு‌ம் ர‌‌யி‌ல்வே ‌நி‌தி‌நிலை அ‌றி‌க்கையை சம‌ர்‌ப்‌பி‌க்கு‌ம் ம‌ம்தா பான‌ர்‌ஜி, ர‌யி‌ல்வே‌யி‌ன் ஒ‌வ்வொரு ‌தி‌ட்டமு‌ம் பொருளாதார ‌ரீ‌தியாக லாபகரமானதா எ‌ன்‌கி‌ன்ற கொ‌ள்கையை சமூக ‌ரீ‌தியாக பய‌னு‌ள்ளதா எ‌ன்ற பா‌ர்வை‌யி‌ல் ‌‌நிறைவே‌ற்ற வே‌ண்டு‌ம் எ‌ன்று கூ‌றினா‌ர்.

ர‌யி‌ல் பயண ச‌ரி‌த்‌திர‌த்‌தி‌ல் முத‌ல் முறையாக நாடு முழுவது‌ம் புற‌ப்ப‌ட்ட இட‌த்‌தி‌ல் இரு‌ந்து சேரு‌ம் இட‌ம் வரை எ‌ங்கு‌ம் ‌நி‌ற்காத ர‌யி‌ல் சேவைக‌ள் அ‌றி‌வி‌க்க‌ப்ப‌ட்டு‌ள்ளன.

செ‌ன்னை‌யி‌ல் இரு‌‌ந்து டெ‌ல்‌‌லி, ஹெளரா‌வி‌ல் இரு‌ந்து மு‌ம்பை, டெ‌ல்‌லி‌யி‌ல் இரு‌ந்து புனே, ஹெளரா‌வி‌ல் இரு‌ந்து டெ‌ல்‌லி, டெ‌ல்‌லி‌யி‌ல் இரு‌ந்து அகமதாபா‌த், கொ‌ல்க‌ட்டா‌வி‌ல் இரு‌ந்து அ‌மிரு‌த்ச‌ர், எ‌ர்ணா‌க்குள‌த்‌தி‌ல் இரு‌ந்து டெ‌ல்‌லி ஆ‌கிய வ‌ழி‌த்தட‌ங்க‌ள் உ‌ட்பட 12 தட‌ங்க‌ளி‌ல் இ‌ந்த பா‌ய்‌ண்‌ட் டூ‌ பா‌‌ய்‌‌ண்‌ட் ர‌யி‌ல் சேவை இய‌க்க‌ப்படு‌ம்.

மதுரை‌ - ஜோ‌த்பூ‌ர் ‌விரை‌வு ர‌யி‌ல், ‌திருநெ‌ல்வே‌லி வரை ‌நீ‌ட்டி‌க்க‌ப்படு‌கிறது.


மு‌ன்ப‌திவு அ‌ற்ற பயண‌ச்‌சீ‌‌ட்டுகளை‌ப் பெறுவத‌ற்கு மேலு‌ம் 3,000 மைய‌ங்க‌ள் ர‌யி‌ல் ‌நிலைய‌ங்க‌ளில‌் துவ‌க்க‌ப்படு‌ம்.

மு‌ன்ப‌திவு அ‌ற்ற ர‌யி‌ல் பயண‌ச் ‌சீ‌ட்டுகளை நாடு முழுவ‌திலு‌ம் உ‌ள்ள 5,000 அ‌ஞ்ச‌ல் ‌நிலைய‌ங்க‌ளி‌ல் பெ‌ற்று‌க் கொ‌ள்ளு‌ம் வச‌தி அ‌ளி‌க்க‌ப்படு‌ம்.

நமது நா‌ட்டி‌ல் உ‌ள்ள 150 பாதுகா‌ப்ப‌ற்ற ர‌யி‌ல் ‌நிலைய‌ங்க‌ளி‌ல் பாதுகா‌ப்பு ஏ‌ற்பா‌ட்டை பல‌ப்படு‌த்த ஒரு‌ங்‌கிணை‌ந்த பாதுகா‌ப்பு ‌தி‌ட்ட‌ம் நடைமுறை‌ப்படு‌த்த‌ப்படு‌ம்.

2 ம‌ணி நேர‌த்‌தி‌ற்கு‌ம் அ‌திகமான பயண நேர‌ம் உ‌ள்ள அனை‌த்து ர‌யி‌ல்க‌ளிலு‌ம் ‌விமான‌ங்க‌ளி‌ல் உ‌ள்ளது போ‌ன்ற க‌ழிவறை வச‌திக‌ள் அமை‌க்க‌ப்படு‌ம்.

ஆ‌ண்டி‌ற்கு 500 பு‌திய பயண‌ப் பெ‌ட்டிகளை‌த் தயா‌ரி‌க்க‌க் கூடிய பு‌திய ர‌யி‌ல்பெ‌ட்டி‌த் தொ‌ழி‌ற்சாலை ஒ‌ன்று பொது‌ - த‌னியா‌ர் கூ‌ட்டா‌ண்மை‌யி‌ல் ‌நிறுவ‌ப்படும‌்.

மு‌ன்‌ப‌திவு செ‌ய்து கொ‌ண்ட பய‌ணிக‌ளு‌க்கு கா‌த்‌திரு‌ப்போ‌ர் ப‌ட்டிய‌ல் எ‌ஸ்.எ‌ம்.எ‌ஸ். வா‌யிலாக தெ‌ரி‌வி‌க்க‌ப்படு‌ம்.

2009ஆம‌் ஆ‌ண்டி‌‌ற்கான சர‌‌க்கு போ‌க்குவர‌த்து இல‌க்கு 882 ‌மி‌ல்‌லிய‌ன் மெ‌ட்‌‌ரி‌க் ட‌‌ன்களாக ‌நி‌ர்‌ண‌யி‌க்க‌ப்படு‌கிறது.

கு‌ளி‌ர்சாதன வச‌தி செ‌ய்ய‌ப்ப‌ட்ட இர‌ண்டடு‌க்கு பயண‌ப் பெ‌ட்டிக‌ள் தயா‌ரி‌க்க‌ப்படு‌ம்.

நாடு முழுவது‌ம் உ‌ள்ள அமை‌ப்பு சாரா தொ‌ழிலாள‌ர்க‌ளி‌ன் நல‌ன் க‌ரு‌தி இ‌ஸ்ஸா‌ர்‌ட் எ‌ன்று அழை‌க்க‌ப்படு‌ம் ‌சிற‌ப்பு‌ச் சலுகை‌த் ‌தி‌ட்ட‌ம் நடைமுறை‌க்கு வரு‌கிறது.

இத‌ன்படி, மாத‌த்‌தி‌ற்கு ரூ.1,500 ம‌ட்டுமே வருவா‌ய் உ‌ள்ள அமை‌ப்பு சாரா தொ‌ழிலாள‌ர்க‌ள் 100 ‌கி.‌மீ. தூர‌ம் வரை‌யிலான இட‌ங்களு‌க்கு‌ச் செ‌ன்று வருவத‌ற்கான மாதா‌ந்‌திர பயண‌ச் ‌‌சீ‌ட்டு ரூ.25 ‌க்கு அ‌ளி‌க்க‌ப்படு‌ம்.

அரசு அ‌ங்‌கீகார அ‌ட்டை‌ப் பெ‌ற்று‌ள்ள ப‌த்‌தி‌ரி‌க்கையாள‌ர்க‌ளு‌க்கு ர‌யி‌ல் பயண‌ங்க‌ளி‌ல் அ‌ளி‌க்க‌ப்படு‌ம் க‌ட்டண‌ச் சலுகை 30 ‌விழு‌க்கா‌ட்டி‌ல் இரு‌ந்து 50 ‌விழு‌க்காடாக உய‌ர்‌த்த‌ப்படு‌கிறது.

மாணவ‌ர்களு‌க்கான பயண‌க் க‌ட்டண‌ச் சலுகை 60 ‌விழு‌க்காடாக உய‌ர்‌த்த‌ப்படு‌கிறது.

நமது நா‌‌ட்டி‌ல் உ‌ள்ள 50 ‌மு‌க்‌கிய ர‌யி‌ல் ‌நிலைய‌ங்களை உலக‌த் தர‌த்‌தி‌ற்கு உய‌ர்‌த்த ‌தி‌ட்ட‌மி‌ட்டு‌ள்ளதாக தெ‌ரி‌வி‌த்த ம‌ம்தா பான‌ர்‌ஜி, மு‌ம்பை ‌சிஎ‌ஸ்டி, புனே, நா‌க்பூ‌ர், ஹெளரா, ‌ஷ‌ீல்டா, புவனே‌ஸ்வ‌ர், புதுடெ‌ல்‌லி, ல‌க்னோ, வாரணா‌சி, கா‌ன்பூ‌ர், செ‌ன்னை செ‌ன்‌ட்ர‌ல், ‌திருவன‌ந்தபுர‌ம் செ‌ன்‌ட்ர‌ல், ‌திரு‌ப்ப‌தி, அகமதாபா‌த், போபா‌ல், ஆ‌க்ரா க‌ன்டோ‌ன்மெ‌ன்‌ட், ம‌ங்களூ‌ர், பூ‌ரி, கொ‌ச்‌சி உ‌ள்‌ளி‌ட்ட 50 ர‌யி‌ல் ‌நிலைய‌ங்க‌ள் உலக‌த் தர‌த்‌தி‌ற்கு உய‌ர்‌த்த‌ப்படு‌ம் எ‌ன்று தெ‌‌ரி‌வி‌த்தா‌ர்.


ர‌யி‌ல் ‌நிலைய‌ங்க‌ளி‌ல் ப‌ல்முனை வளாக‌ங்க‌ள் அமை‌க்க‌ப்படு‌ம்.

‌‌நீ‌ண்ட தூர ர‌யி‌ல் பயண‌ங்க‌ளி‌ல் மரு‌த்துவ வச‌தியு‌ம், பொழுதுபோ‌க்கு வச‌திகளு‌ம் ஏ‌ற்படு‌த்த‌ப்படு‌ம்.

ர‌யி‌ல் பயண‌த்‌தி‌ல் தூ‌ய்மை‌க்கு‌ம் தயூ குடி‌‌நீரு‌க்கு‌ம், பாதுகா‌ப்‌பி‌ற்கு‌ம் மு‌ன்னு‌ரிமை அ‌ளி‌க்க‌ப்படு‌ம்.

ஆ‌ன்‌மிக மு‌க்‌கிய‌த்துவ‌ம் வா‌ய்‌ந்த தல‌ங்க‌ளி‌ல் உ‌ள்ள ர‌யி‌ல் ‌நிலைய‌ங்க‌ளி‌ல் எ‌ல்லா வச‌திகளும‌் அ‌ளி‌க்க‌க் கூடிய ப‌ன்முக

அ‌ங்காடிக‌ள் அமை‌க்க‌ப்படு‌ம். அ‌ங்கு பு‌த்தக‌க் கடை, ம‌ரு‌த்துவ வச‌தி, பொரு‌ட்க‌ள் வா‌‌ங்குவத‌ற்கான கடைக‌ள், ‌நீ‌ண்ட தூர தொலை‌த்தொட‌ர்பு வச‌தி ஆ‌கியன ஏ‌ற்படு‌த்த‌ப்படு‌ம்.

இ‌ந்‌தியா முழுவ‌து‌ம் 50 ர‌யி‌ல் ‌நிலைய‌ங்க‌ளி‌ல் செ‌ல்பே‌சிக‌ளி‌ன் வா‌யிலாக பயண‌ச் ‌சீ‌ட்டை‌ப் பெறு‌ம் வச‌தி உருவா‌க்க‌ப்படு‌ம்.


இ‌ந்‌தியா முழுவது‌ம் மேலு‌ம் 800 இட‌ங்க‌ளி‌ல் பயண மு‌ன்ப‌திவு மைய‌ங்க‌ள் ‌திற‌க்க‌ப்படு‌ம்.

ர‌யி‌ல்வே‌யி‌ன் ப‌ல்வேறு‌த் ‌தி‌ட்ட‌ங்களை த‌னியா‌ர் பொது கூ‌ட்டா‌‌ண்மை‌யி‌ன் ‌மூல‌ம் ‌நிறைவே‌ற்ற‌ப்படு‌ம்.

ர‌யி‌ல் பயண‌த்‌தி‌ன் போது பெ‌ண்களு‌க்கு மக‌ளி‌ர் காவல‌ர்களை‌க் கொ‌ண்ட பாதுகா‌ப்பு ஏ‌ற்பாடுக‌ள் செ‌ய்ய‌க் கூடிய ஒரு‌ங்‌கிணை‌ந்த பாதுகா‌ப்பு‌த் ‌தி‌ட்ட‌ம் நடைமுறை‌ப்படு‌த்த‌ப்படு‌ம்.

வேலை நிலவரம்: மேற்கத்திய நாடுகளை விட இந்திய நிலை பரவாயில்லை

பொருளாதார சீர்குலைவு விஸ்வரூபம் எடுத்து வரும் நிலையில், மேற்கத்திய நாடுகளை விட இந்தியாவில் வேலை வாய்ப்பு சந்தை சற்று பரவாயில்லை, சிறப்பாகவே உள்ளதாக தெரிவிக்கப்பட்டுள்ளது.

பொருளாதார சீர்குலைவு காரணமாக வேலையிழப்போரின் எண்ணிக்கை இந்தியாவை விட மேற்கத்திய நாடுகளில்தான் அதிகம் உள்ளது.

சாதாரண வீட்டுக் கடனைத் திருப்பிச் செலுத்தாதவர்களால் அமெரிக்காவில் ஏற்பட்ட பெரும் குழப்பம், உலக அளவிலான பொருளாதார நெருக்கடியில் கொண்டு போய் விட்டு விட்டது.

கடந்த ஆண்டு செப்டம்பர் மாதம் முதல் உலக அளவில் ஏகப்பட்ட நிறுவனங்கள் சரமாரியாக தங்களது பணியாளர்களை வீட்டுக்கு அனுப்பிக் கொண்டிருக்கின்றன.

சிட்டிபாங்க் 50 ஆயிரம் பேரை நீக்கி விட்டது. பிரிட்டிஷ் டெலிகாம் 10 ஆயிரம் பேரை தூக்கி விட்டது. ஹெவ்லட் பேக்கார்ட் 24 ஆயிரம் பேரை நீக்கி விட்டது.

இந்தியாவிலும் கூட இந்த பாதிப்பு எட்டிப் பார்க்கத்தான் செய்தது. கடந்த 2 மாதங்களில் இந்தியாவில் 50 ஆயிரம் வேலையை இழந்துள்ளதாக ரெடில்டன் சர்ச் பார்ட்னர்ஸ் நிறுவனம் கூறுகிறது.

பொருளாதார சீர்குலைவால் இந்தியாவில் அதிகம் பாதிக்கப்பட்ட இரு துறைகள் - ரியல் எஸ்டேட் மற்றும் கட்டுமான துறை. இந்த இரண்டிலும் 79 சதவீத அளவுக்கு வேலை குறைந்து போய் விட்டது.

அதேபோல ஏற்றுமதி மற்றும் வர்த்தகத் துறையிலும் 79 சதவீத அளவுக்கு வேலையிழப்பு இருந்தது. ஐடி மற்றும் ஹாஸ்பிடாலிட்டி துறைகளில் 50 சதவீத அளவுக்கு வேலையிழப்புகள் இருந்ன. வங்கிகள் மற்றும் நிதிப் பிரிவில் 22 சதவீத அளவுக்கு வேலையிழப்பு காணப்பட்டது.

இந்த எண் கணக்கை மட்டும் வைத்து இந்தியாவிலும் பொருளாதார சீர்குலைவு பேயாட்டம் போடுவதாக முடிவு கட்டி விட முடியாது.

காரணம், மேற்கத்திய நாடுகளுடன் ஒப்பிடுகையில், இந்தியாவில் வேலை இழப்பு என்பது பெரிய அளவில் இல்லையாம். பயந்து பீதியாகும் அளவுக்கு இல்லை என்கிறார்கள் நிபுணர்கள்.

ஹெவிட் அசோசியேட்ஸ் என்கிற வேலைவாய்ப்பு ஆலோசனை நிறுவனம் கூறுகையில், இந்தியாவில் உள்ள 16 சதவீத நிறுவனங்கள்தான் வேலைஇழப்பு குறித்து யோசிக்கின்றன.

60 சதவீதத்திற்கும் மேற்பட்ட நிறுவனங்கள் ஆளெடுப்பில் ஈடுபடத்தான் செய்கின்றன. பத்தி்ல் 9 நிறுவனங்கள் பதவி உயர்வுகளை நிறுத்தி வைக்காமல் வழங்கிக் கொண்டுதான் உள்ளன என்கிறது ஹெவிட்ஸ்.

வருகிற பட்ஜெட்டில் நிதியமைச்சர் பிரணாப் முகர்ஜி சொல்லப் போகும் அறிவிப்புகளை அனைத்துத் துறையினரும் எதிர்பார்த்துக் கொண்டுள்ளனர். இந்தியாவில் மீண்டும் வேலை வாய்ப்புப் பிரிவுக்கு ஊக்கம் தரும் வகையில் அதில் ஏதாவது இருக்கலாம் என்ற நம்பிக்கையும் ஏகமாக உள்ளது.

நம்பிக்கைதானே வாழ்க்கை..

இன்று ரயில்வே பட்ஜெட் தாக்கல்

ரயில்வே அமைச்சர் மம்தா பானர்ஜி வெள்ளிக்கிழமை ரயில்வே பட்ஜெட்டை தாக்கல் செய்கிறார்.

எதிர்காலத்தில் ரயில்வே எப்படி செயல்படவேண்டும், அதன் முக்கியத் திட்டங்களை நிறைவேற்ற தேவையான வருவாய் ஆதாரங்களை திரட்டுவது எப்படி என்பதில் மம்தாவுக்கு என்று தனி சிந்தனை உள்ளது. அது இந்த பட்ஜெட்டில் பிரதிபலிக்கும் என்கின்றனர் அவருக்கு நெருக்கமான வட்டாரங்கள்.

தான் தாக்கல் செய்ய உள்ள பட்ஜெட் மக்கள் விரும்பும் பட்ஜெட்டாக இருக்கும் என்பதை மம்தா ஏற்கெனவே சுட்டிக்காட்டிவிட்டார். மனிதாபிமான முகம் கொண்டதாக அது அமையும் என்றும் கூறியுள்ளார். எனவே பயணிகள் கட்டணத்தில் மாற்றம் வரக்கூடும் என்று நம்பலாம்.

அதிவேக ரயில்களில் விதிக்கப்படும் கூடுதல் கட்டணத்தை அவர் ரத்து செய்து அறிவிப்பு வெளியிடுவார் என்றும் எதிர்பார்க்கப்படுகிறது. இந்த சிறப்புக் கட்டணம் மீது பயணிகள் மத்தியில் அதிருப்தி நிலவி வருகிறது.

காஷ்மீர் ரயில் இணைப்புத் திட்டத்தை நிறைவேற்றி முடிப்பது, சரக்கு ரயில்களுக்கு தனி ரயில்பாதை அமைக்கும் திட்டத்தை விரைவுபடுத்துவது ஆகியவை அவரது முனைப்பு முயற்சிகளில் இடம்பெறக்கூடும்.

பயணிகளுக்கு சாதகமாக அமையும் விதத்தில் தட்கல் திட்டத்திலும் அவர் மாற்றம் அறிவிக்கக்கூடும்.

பற்றாக்குறை பட்ஜெட்டாக இருக்காது: ஆறாவது ஊதியக் கமிஷன் பரிந்துரையை நிறைவேற்ற ரயில்வேக்கு ரூ. 14 ஆயிரம் கோடி செலவாகும். இந்த கூடுதல் சுமையை தாங்கவேண்டிய நிலையில் பற்றாக்குறை பட்ஜெட்டுக்கு இடம்தரக்கூடாது என்பதில் ஆணித்தரமாக இருக்கிறார் மம்தா என்றும் அதிகார வட்டாரங்கள் தெரிவித்தன.

இருப்பினும் சரக்குப் போக்குவரத்து தொழிலுக்கு உறுதுணையாக இருக்க சில சலுகைகளை அவர் அறிவித்தால் ஆச்சரியம் இருக்காது.

ரயில்வே திட்டங்களை அரசு-தனியார் துறை கூட்டுமுயற்சியில் செயல்படுத்திட அவர் தீவிரம் காட்டக்கூடும். இந்த விஷயத்தில் ஏற்கெனவே அவர் தனது நிலையை தெளிவுபடுத்திவிட்டார்.

ரயில்களில் உள்ள ஜன்னலோர நடுவரிசை பெர்த்துகளை நீக்குவது பற்றிய அறிவிப்பையும் அவர் வெளியிடுவார். மேலும் மக்கள் மத்தியில் வரவேற்பு கிடைக்காத சில ரயில்களை கைவிடுவது பற்றிய முடிவையும் அவர் எடுப்பார் என்று எதிர்பார்க்கப்படுகிறது.

ரயில் நிலையங்களில் போர்ட்டர்கள் (சுமைக்கூலிகள்) பற்றாக்குறை காணப்படுவதால் புதிதாக போர்ட்டர்களை நியமிப்பது குறித்த அறிவிப்பையும் அவர் வெளியிடுவார்.

இப்போது பயணிகள் மத்தியில் பரவலாக உள்ள குறை, சரியான நேரத்தில் ரயில்கள் போய்ச் சேராததாகும். எனவே நேரத்தில் ரயில்கள் போய்ச் சேருவதற்கு அவர் முக்கியத்துவம் தருவார். மேலும் வெளியூர்களிலிருந்து வந்து கொண்டிருக்கும் ரயில்கள் எந்த இடத்தில் உள்ளது என்பதை அறிந்து கொள்வதற்காக ரயில்களை செயற்கைக் கோள் தொடர்புடன் இணைப்பது பற்றிய அறிவிப்பையும் மம்தா வெளியிடக்கூடும் என்று தெரிகிறது.