குவைத் தமிழ் இஸ்லாமிய சங்க முப்பெரும் விழா

குவைத் தமிழ் இஸ்லாமியச் சங்கம் சார்பில், முப்பெரும் நிகழ்ச்சிகளுக்கு ஏற்பாடு செய்துள்ளது.

ஹிஜ்ரா/ ஆஷூரா சிறப்பு தொடர் நிகழ்ச்சிகள், சங்கத்தின் 5ம் ஆண்டு துவக்கம் மற்றும் சமுதாய கல்வி விழிப்புணர்வு ஆகிய முப்பெரும் நிகழ்ச்சிகள் நடைபெறவுள்ளன.

முதல் நாள் நிகழ்ச்சிகள்:

இந்த நிகழ்ச்சிகள் 17ம் தேதி மாலை குவைத் ஃபஹாஹீல், கத்ஆ 7, பகுதியில் உள்ள 'மஜீத் அல் ஹிலால் அல் உதைபீ (உர்தூ குத்பா நடைபெறும் பள்ளி)' பள்ளிவாசலில் நடைபெறும்.

இரண்டாம் நாள் நிகழ்ச்சிகள்:

18ம் தேதி நிகழ்ச்சிகள், மாலையில் குவைத் சிட்டி, மிர்காப் பகுதியில் உள்ள 'அல்-ஷாயா மஸ்ஜித் (கேபிடிசி பேரூந்து நிலையம் / லிபரேஷன் டவர் அருகில், சூக்குல் வதனிய்யா எதிரில்)' பள்ளிவாசலில் நடைபெறும்.

பெண்களுக்கு தனியிட வசதி ஏற்பாடு செய்யப்பட்டுள்ளது.

மேலதிக விவரங்களுக்கு: இணையத் தளம்- www.k-tic.com

மின்னஞ்சல் முகவரி- q8tic@yahoo.com / ktic.kuwait@gmail.com

யாஹு குழுமம்- http://groups.yahoo.com/group/K-Tic-group

குவைத் சிறையில் உள்ள 236 இந்தியர்களை ஒப்படைக்க ஒப்பந்தம்

குவைத் சிறைகளில் அடைக்கப்பட்டுள்ள 236 இந்தியர்களை இந்தியாவிடம் ஒப்படைப்பது தொடர்பாக அந்த நாட்டுடன் ஒப்பந்தம் செய்யப்பட உள்ளது. எண்ணெய் வளமிக்க அரபு நாடான குவைத்தில் 6 லட்சம் இந்தியர்கள் உள்ளனர். இவர்களில் பெரும்பாலோர் அங்குள்ள பல்வேறு நிறுவனங்களில் தற்காலிகமாக வேலை செய்து வருகின்றனர். பலர் நிரந்தரமாக அங்கேயே தங்கியுள்ளனர். அந்த நாட்டின் மொத்த மக்கள் தொகையே 35 லட்சம்தான்.

குவைத் நாட்டு சிறைகளில் பல்வேறு குற்றங்களுக்காக 236 இந்தியர்கள் அடைக்கப்பட்டு உள்ளனர். இவர்களை இந்தியாவிடம் ஒப்படைப்பது தொடர்பான ஒப்பந்தத்தை குவைத் நாட்டுடன் இந்தியா செய்ய உள்ளது. இருதரப்பும் நடத்திய பேச்சுவார்த்தைகளின் மூலம் இந்த ஒப்பந்தத்துக்கு இறுதி வடிவம் கொடுக்கப்பட்டு வருகிறது. விரைவில் இது கையெழுத்தாகும் என்று எதிர்பார்ப்பதாக இந்த நாட்டுக்கான இந்திய தூதர் அஜய் மல்கோத்ரா டெல்லியில் நேற்று தெரிவித்தார்.

இது தொடர்பாக அவர் அளித்த பேட்டியில், ‘‘இந்த ஒப்பந்தம் கையெழுத்தானால் குவைத் சிறைகளில் அடைக்கப்பட்டுள்ள இந்தியர்கள் அனைவரும் இந்தியாவிடம் ஒப்படைக்கப்படுவார்கள். இருப்பினும், அங்கு விதிக்கப்பட்ட சிறை தண்டனையை இந்திய சிறைகளில் அவர்கள் அனுபவிக்க வேண்டும். குவைத் மத்திய சிறையில் 175 இந்தியர்களும், மற்ற சாதாரண சிறைகளில் 61 இந்தியர்களும் அடைக்கப்பட்டு உள்ளனர்.

இந்தியாவுக்கு இவர்கள் அனுப்பப்பட்டால், தங்கள் குடும்பத்தினரை பார்க்க இயலும். குவைத் சட்டங்களால் பாதிக்கப்படும் இந்தியர்களுக்கு உதவ தனி சட்ட உதவி மையம் திறக்கப்பட்டு உள்ளது. உலகளவில் ஏற்பட்டுள்ள பொருளாதார மந்தநிலையால், மற்ற நாடுகளில் உள்ளதை விட குவைத்தில் குறைந்த அளவிலான இந்தியர்களே வேலையை இழந்துள்ளனர்’’ என்றார்

குவைத்: திருமண வீட்டில் தீ விபத்து-36 பேர் பலி

குவைத்தின் அல்ஜகரா நகரில் திருமண வீட்டில் இன்று ஏற்பட்ட தீவிபத்தில், 36 பேர் உடல் கருகி பலியானார்கள். இந்த கோர சம்பவத்தால், திருமண நிகழ்ச்சியில் சோகம் நிழலாடியது.

அரபு நாடுகளில் ஒன்றான குவைத்தில் உள்ளது அல்ஜகரா நகரம். இங்கு திருமண விழா ஒன்று நடந்தது.

குவைத்தில் திருமண விழா விருந்து நிகழ்ச்சிகள் பெண்களுக்கு தனியாகவும், ஆண்களுக்கு தனியாகவும் நடைபெறும். இதில் பெண்களுக்கு நடந்த நிகழ்ச்சிக்காக பந்தல் அமைக்கப்பட்டு இருந்தது. நூற்றுக்கணக்கான பெண்கள், குழந்தைகள் இதில் கலந்து கொண்டனர்.

அப்போது பந்தலில் திடீரென தீப்பற்றிக் கொண்டது. அப்போது, பந்தலுக்கு உள்ளே சிக்கிக்கொண்ட பெண்கள், குழந்தைகள் உட்பட 36 பேர் உடல் கருகி உயிரிழந்தனர். 60 பேர் காயம் அடைந்தனர்.

அரபு நாடுகளில் இந்திய சுதந்திர தினம்

அபுதாபியில் உள்ள இந்தியத் தூதரகத்தில் தூதரக அதிகாரி தல்மிஸ் அகமது தலைமையில் கொடியேற்று விழா நடைபெற்றது. முன்னாள் மத்திய அமைச்சர் மணி சங்கர் அமைச்சர் சிறப்பு விருந்தினராக கலந்து கொண்டார்.

துபையில், இந்திய தூதரக அதிகாரி வேணு ராஜாமணி இந்தியப் பள்ளிக் கூடம் ஒன்றில் தேசியக் கொடியை ஏற்றிவைத்தார்.

இந்த நிகழ்ச்சியில் துபையில் உள்ள பல்வேறு இந்தியப் பள்ளி மாணவர்களின் கலை, கலாசார நிகழ்ச்சிகள் நடைபெற்றன.

குவைத்தில், இந்தியத் தூதரக அதிகாரி அஜய் மல்ஹோத்ரா தேசியக் கொடியை ஏற்றி வைத்து குடியரசுத் தலைவர் உரையை படித்தார். இந்த நிகழ்ச்சியில் ஆயிரக் கணக்கான இந்தியர்கள் கலந்து கொண்டனர்.

சவூதி அரேபிய மன்னர் அப்துல்லா, அந்த நாட்டின் துணைப் பிரதமர், பாதுகாப்புத் துறை அமைச்சர், ஐஜி உள்ளிட்டோர் குடியரசுத் தலைவர் பிரதிபா பாட்டீலுக்கு வாழ்த்துச் செய்திகளை அனுப்பியுள்ளனர்.

இந்திய மக்கள் நல்ல வளங்களைப் பெற்று மேலும் மேலும் முன்னேற்றம் அடைய தங்களது நாட்டின் சார்பாக வாழ்த்துவதாக அவர்கள் தங்கள் வாழ்த்துச் செய்தியில் குறிப்பிட்டுள்ளனர்.

மனக்குமுறலை எழுதியவன் பேசுகிறேன் !

என் இதயங்கவர்ந்த வாசகர் நெஞ்சங்களே, உங்கள் அனைவரின் மீதும் இறைவனின் நல்லருள் நிலவிட பிரார்த்தனை செய்தவனாக துவங்குகிறேன்…. நான் எழுதிய “ஒரு உழைப்பாளியின் மனக்குமுறல்” கட்டுரையை படித்துவிட்டு நீங்கள் கொடுத்து வரும் ஆலோசனை களையும், நல்லாதரவையும் எண்ணி பெருமிதம் கொண்டவனாக இறைவனுக்கு நன்றி சொல்கிறேன் !

எனது நெருக்கமான நண்பர் ஒருவர் தம் பிரச்சனையை என்னிடம் சொன்னதைத் தான் உங்களிடம் கட்டுரையாய் சமர்ப்பித்துள்ளேன். நான் சொல்லியுள்ள விஷயங்கள் தனிப்பட்ட ஒருவரின் விஷயமாக பார்க்காமல் ஒரு சமூக கண்ணோட்டத்துடன் பார்த்ததால் உருவானதே இந்தக் கட்டுரை !

இதை மிகவும் நிதானமாக படித்துவிட்டு ஒவ்வொரு வாசகரும் அவரவர் தம் கருத்துக்களை என்னுடன் பகிர்ந்து கொண்ட விதம் குறித்து என்னவென்று சொல்வேன்? எவ்வளவு அற்புதமான கருத்துக்கள். சமூகத்தின் மீது கவலை கொண்ட நிறைய பேர் பாதிக்கப் பட்ட நண்பரின் நிலை குறித்து தங்கள் கண்கள் குளமானதாகவும், அவருக்கு எப்படி ஆறுதல் சொல்வதென புரியவில்லையென்றும் கூறினர்.

சில வாசகர்கள் கட்டுரைக்குரிய நபர் இந்துவா? முஸ்லிமா? கிறிஸ்டினா? என்றெல்லாம் கேட்டனர். காரணம் நான் அவரின் மதத்தை அடையாளப்படுத்தவில்லையாம் !
பிறப்பால் மனிதனாகவும், பேசும் மொழியால் தமிழனாகவுமே நான் அவரை பார்த்ததால் மதத்தை இங்கு குறிப்பிடவில்லை என அந்த வாசகர்களுக்கு பதிக் கூறினேன்.

உங்கள் கட்டுரை காலத்திற்கேற்ற கண்ணாடி ! என் கணவரின் நிலையும் அப்படித்தான் உள்ளது உரிமைகளையும், உணர்ச்சிகளையும் இழந்தவளாய் நான் பரிதவிக்கிறேன். தயவுசெய்து என் கணவரின் பார்வைக்கு உங்கள் கட்டுரையை அனுப்புவீர்களா? எனக்கேட்டு அவரது கணவரின் மின்னஞ்சல் முகவரியையும் நமக்கு கொடுத்தார் மதுரையைச் சேர்ந்த பெண் வாசகி ஒருவர். அவர் விருப்பப்படியே நமது கட்டுரையை சம்பந்தப்பட்டவருக்கு அனுப்பி வைத்தோம் !

காரைக்கால் நண்பர் அமீருத்தீன் தொலைபேசி வாயிலாக நம்மை தொடர்பு கொண்டு பாதிக்கப்பட்ட நபர் இனியும் இங்கே இருப்பதில் அர்த்தமில்லை. அவர் உடனே கேன்சலில் ஊர் போகட்டும் ஊரில் போய் அவருக்கு தெரிந்த தொழில் எதையாவது செய்து கொண்டு மனைவியுடன் மகிழ்வோடு வாழட்டும். தொழில் செய்ய என்னால் இயன்ற பொருளாதாரத்தை செய்யவும் தயார் எனக் கூறியதை கேட்டதும் அவரது அளவு கடந்த மனிதாபிமானத்தை பாராட்டாமல் இருக்க முடியாது.

வெளிநாட்டிலிருந்து விடுமுறையில் ஊருக்கு செல்லும் ஒவ்வொரு மனிதனும் அளவுக்கு மீறிய வகையில் சாமான்களை கட்டிக் கொண்டு பெட்டி, பெட்டியாய் இறக்குவதால் தான் ஊரில் இருக்கும் பெண்களுக்கு இங்கு படும் நம்மவர்களின் கஷ்டங்கள் தெரிவதில்லையென்றும், ஒரு முறை பொருள் கொடுத்து எப்போது பிரச்சினை வந்ததோ? அப்போதே கட்டுரைக்குரிய நபர் சுதாரித்திருக்க வேண்டாமா? தொடர்ந்து அதே தவறை செய்தது அவரின் அறிவீனத்தையே காட்டுகிறது. என விமர்சனம் செய்தார் கடைய நல்லூர் பாரூக்.

இவரது கூற்றிலும் உண்மை இருக்கவே செய்கிறது. அதிக சம்பளம் பெறுபவரும் சாமான்களுடன் தாயகம் செல்கிறார். குறைந்த சம்பளம் பெறுபவரும் சாமான்களுடன் தான் ஊர் போகிறார். ஆக வெளிநாட்டிலிருந்து ஊர் செல்லும் எல்லோருமே பெட்டி, பெட்டியாய் சாமான்கள் வாங்கி செல்லும்போது பெண்களின் பார்வைக்கு அனைவரும் சமமாகவே தெரிகின்றனர். அதனால் தான் பக்கத்து வீட்டு ரேவதிக்கு அதிக சம்பளம் பெறும் அவள் புருஷன் பத்தாயிரம் ரூபாய்க்கு தங்க வேட்டை புடவை வாங்கி கொடுத்ததால் ரேவதிக்கு அவள் புருஷன் வாங்கி கொடுத்த அதே புடவையை எனக்கும் வாங்கி அனுப்புங்கள் என்று மிக குறைந்த சம்பளம் பெறும் தம் புருஷனுக்கு போன் மூலம் விண்ணப்பிக்கிறாள் ராக்காயி ஆக வெளிநாட்டு சாமான்கள் மீதான மோகம் ஒட்டுமொத்த பெண்களை யும் வாட்டி வதைப்பது எதார்த்தம். இதற்கு முழுபொறுப்பும் உழைப் பாளிகளாகிய நாம் தான் !

மாண்புமிகு மக்களவை உறுப்பினர் ஒருவர் டெல்லியிலிருந்து தொலைபேசியில் தொடர்பு கொண்டு உங்களது கட்டுரையை மின்னஞ்சல் மூலம் படித்து மிகவும் வேதனை அடைந்தேன். இந்த நிலை ஒருவருக்கு மட்டுமே சொந்தமானதல்ல பல பேரின் எதார்த்தமும் அதுவாகவே உள்ளது. அருமையான கருத்துக் களை காலம் அறிந்து சமூக அக்கறையுடன் கொடுத்துள்ளீர்கள். சம்பந்தப்பட்ட நபரின் பிரச்சினைகள் தீர அவர் தாயகம் செல்வதுதான் சிறந்தது. அவர் வாழ்க்கை வளம்பெற எல்லோரும் பிரார்த்திப்போம் எனக் கூறியதையும் இங்கே பதிவு செய்கிறேன்.

பிரச்சினைக்குரிய நபர் உணர்ச்சி வயப்பட்டு கேன்சல் செய்து விடாமல் குழந்தையில்லா தமது சூழ்நிலையை அவரது கம்பெனி நிர்வாகத்திடம் எடுத்து சொல்லி ஐந்தரை மாதம் நீண்ட கால விடுமுறை வாங்கி ஊர் செல்வது தான் நல்லது என்றார் வேலூர் ராஜேஸ் கண்ணன்.
! அதனால் குழந்தையின்மையை தவிர்க்க உடனடியாக அவர் கேன்சலில் ஊர் செல்லட்டும். கடவுள் பாக்கியத்தால் அவரது எல்லா காரியங்களும் கை கூடிய பிறகும் அவர் துபாய் வர ஆசைப்பட்டால் நானே எனது நண்பரின் கம்பெனியில் நல்ல சம்பளத்திற்கு வேலையில் சேர்த்து விடுகிறேன் எனக்கூறிய தஞ்சை ஜவஹரின் மனிதநேய சிந்தனையை என்னவென்று சொல்வது?

பொதுவாக அமீரக வாழ்க்கை என்பது சிலருக்கு வேண்டுமானால் சோலைவனமாக இருக்கலாம். ஆனால் பெரும்பாலானோர்க்கு பாலைவனமாகவே இருக்கிறது. தற்போதைய பொருளாதார மாற்றத்தால் குடும்பத்துடன் இருப்பவர்களுக்கும் பல பிரச்சினைகள் உள்ளன. குடும்ப வசதிக்காக எடுத்த லோன் மற்றும் கிரெடிட் கார்டு போன்றவற்றால் ஏற்பட்டிருக்கும் நெருக்கடியால் ஒவ்வொருவரும் செய்வதறியாது திகைத்து நிற்கிறோம். கூட்டிக் கழித்துப் பார்த்தால் மிஞ்சுவது ‘0’ பூஜ்ஜியமே ! அதனால் பிரச்சினைக் குரிய நண்பர் தாயகம் செல்வதுதான் சரியானதாக இருக்கும். என்றார் முகவை தைய்யூப் அலி,

உங்கள் கட்டுரையை படித்ததும் ‘ஷாக்’ காகி விட்டேன். காரணம் நானும் தற்போது திருமணம் முடிந்து 55 வது நாளிலேயே துபாய் வந்து விட்டேன். நிச்சயம் உங்கள் கட்டுரை எனக் கொரு எச்சரிக்கை மணியாக இருக்கும் எனக் கருதுகிறேன். உங்கள் நண்பர் எதைப் பற்றியும் யோசிக்காமல் இறைவன் மீது நம்பிக்கை வைத்து கேன்சலில் ஊர் செல்வது தான் சிறந்தது எனக்கூறி நம்மை வியப்படைய வைத்தார் ஏர்வாடி சுல்தான்.

இப்படி ஒவ்வொருவருக்குள்ளும் பல்வேறு பிரச்சனைகள். எனவே இதனை நாம் சந்தித்து ஒருவருக்கொருவர் மனம் விட்டுப் பேசி இதுபோன்ற பிரச்சனைகளை சந்திப்பவர்களுக்கு நம்மால் இயன்ற ஆலோசனைகளை வழங்கி அவர்களது வாழ்வு மேம்பட துணைபுரியலாமே !

இதில் இணைந்து பணியாற்ற விரும்புவோர் 050 795 99 60 எனும் அலைபேசியில் தொடர்பு கொள்ளலாம்.
துபாய் ..

நன்றி : லால்பேட்டை எக்ஸ்பிரஸ்

உலகிலேயே உயரமான பில்டிங்

உலகிலேயே உயரமான பில்டிங் கட்டப்பட்டு வருகிறது இதன் உயரம் 818மீட்டர் ,இதன் அடுக்கு மாடி 160, இதன் கட்டுமான செலவு இந்திய ரூபாய் இல 20,000(crore) கோடி ஆகும் .

இதில் வர்த்தக வளாகங்கள் ,ஹோட்டல்,வீடுகள்,மற்றும் பல வசதிகள் உள்ளன .இந்த பில்டிங் ஐக்கிய அரபு நாடுகளின் தேசிய தினம் கொண்டாட பட உள்ள டிசம்பர் 2 இல திறக்கப்பட உள்ளது .

நன்றி ..இம்தியாஸ் ,லால்பேட்டை

அரபு நாடுகளில் மனித உரிமைகள் இல்லை : ஐ.நா

அரபு நாடுகளில் தனி மனித முன்னேற்றத்திற்கு மனித உரிமைகள் இல்லாமையே முக்கிய தடையாக அமைந்துள்ளதாக ஐ.நா. வளர்ச்சி திட்ட அமைப்பு தெரிவித்துள்ளது.

அரபு நாடுகளில் ஐந்துக்கு இரண்டு பேர் வறுமையில் வாடுவதாகவும், பற்றாக்குறை வருமானத்தில் வாழ்பவர்கள் மிக அதிகமாக உள்ளதாகவும் ஐ.நா. வளர்ச்சி திட்ட அமைப்பு வெளியிட்டுள்ள அறிக்கையில் தெரிவிக்கப்பட்டுள்ளது.

அரபு நாடுகளில் மனித உரிமைகள் இல்லாமை,நியாயமான அரசியல் மற்றும் சமூக நீதி இல்லாமை , அதிகாரம் மற்றும் வளங்களை கைப்பற்றுவதில் ஏற்படும் போட்டி, அன்னிய நாடுகளின் தலையீடு மற்றும் நிலையான அரசு அமையாதது போன்றவை தனி மனித முன்னேற்றத்திற்கு தடையாக உள்ளதாக அந்த அறிக்கையில் மேலும் கூறப்பட்டுள்ளது

துபாயில் கோடையும் வாடையும்

அமீர‌க‌ த‌மிழ்க் க‌விஞ‌ர்க‌ளை ஒருங்கிணைத்து செய‌ல்ப‌ட்டு வ‌ரும் அமைப்பான‌ வானலை வ‌ள‌ர்த‌மிழ் அமைப்பு. மாத‌ந்தோறும் ந‌டைபெற்று வ‌ரும் க‌விதை நிக‌ழ்வில் இம்மாத‌ம் கோடையும் வாடையும் எனும் த‌லைப்பில் க‌விதைக‌ள் வாசிக்க‌ப்ப‌ட‌ இருக்கின்ற‌ன‌.

இந்நிக‌ழ்ச்சி நாளை 10.07.2009 வெள்ளிக்கிழ‌மை காலை 9.30 ம‌ணிக்கு க‌ராமா சிவ் ஸ்டார் ப‌வ‌ன் உண‌வக‌த்தில் ந‌டைபெற‌ இருக்கிற‌து நிக‌ழ்ச்சியின் ஒருங்கிணைப்பாள‌ர் சிம்ம‌பார‌தி தெரிவித்துள்ளார்.

இந்நிக‌ழ்வில் வாசிக்க‌ப்ப‌டும் க‌விதைக‌ள் அனைத்தும் தொகுக்க‌ப்ப‌ட்டு த‌மிழ்த்தேர் எனும் இத‌ழ் வெளியிட‌ப்ப‌டுகிற‌து. இந்நிக‌ழ்வில் சிற‌ப்பு விருந்தின‌ர்க‌ளாக‌ ச‌மூக‌ ஆர்வ‌ல‌ர்க‌ள் ப‌ங்கேற்க‌ இருக்கின்ற‌ன‌ர்.

இந்நிக‌ழ்வில் அமீரக‌ த‌மிழ்க் க‌விஞ‌ர்க‌ள் ப‌ங்கேற்று சிற‌ப்பிக்க‌ கேட்டுக் கொள்ள‌ப்ப‌டுகிறார்க‌ள்.

துபாயில் வேண்டாம் ந‌ம‌க்கு பெருமை எனும் த‌லைப்பில் சொற்பொழிவு நிக‌ழ்ச்சி

துபாய் சுன்ன‌த் வ‌ல் ஜமாஅத் பேர‌வையின் சார்பில் வார‌ந்தோறும் புத‌ன்கிழ‌மை மாலை இஷா தொழுகைக்குப் பின்ன‌ர் அஸ்கான் டி பிளாக்கில் மார்க்க‌ சொற்பொழிவு நிக‌ழ்ச்சி ந‌டைபெற்று வ‌ருகிற‌து.

இவ்வார‌ம் 08 ஜுலை 2009 புத‌ன்கிழ‌மை மாலை இஷா தொழுகைக்குப் பின்ன‌ர் ந‌டைபெறும் நிக‌ழ்ச்சியில் கீழ‌க்க‌ரை ம‌வ்ல‌வி எஸ். ஜ‌ஹாங்கீர் அரூஸி 'வேண்டாம் ந‌ம‌க்கு பெருமை' எனும் த‌லைப்பில் சிற‌ப்புச் சொற்பொழிவு நிக‌ழ்த்த‌ இருக்கிறார்.

இச்சொற்பொழிவுக‌ள் நிக‌ழ்ச்சிக‌ள் த‌மிழ் இஸ்லாமிக் ஆடியோ.காம் (www.tamilislamicaudio.com ) எனும் இணைய‌த்த‌ள‌த்தில் நிக‌ழ்ச்சிக்குப் பின்ன‌ர் கேட்க‌லாம்

தகவல் : லால்பேட்டை எக்ஸ்பிரஸ்

துபாய் ம‌ருத்துவ‌ம‌னையில் சுய‌நினைவிழ‌ந்து வாடும் இந்திய‌ர்

துபாய் ம‌ருத்துவ‌ம‌னையில் சுய‌நினைவிழ‌ந்த‌ நிலையில் இந்திய‌ர் ஒருவ‌ர் க‌ட‌ந்த‌ ஒரு மாத‌மாக அவ‌ச‌ர‌ சிகிச்சைப் பிரிவில் இருக்கிறார். இவர் யார், எந்த ஊரை சேர்ந்தவர் என்பது தெரியவில்லை.

இந்திய‌ ம‌க்க‌ளுக்கு ப‌ல்வேறு ச‌முதாய‌ப் ப‌ணிக‌ளை ஆற்றிவ‌ரும் ஈமான் அமைப்பினர், அத‌ன் ம‌க்க‌ள் தொட‌ர்பு செய‌லாள‌ர் முஹ‌ம்ம‌து தாஹா த‌லைமையில் ம‌ருத்துவ‌ம‌னையில் சிகிச்சை பெற்று வ‌ரும் இந்திய‌ர்க‌ளை வார‌ந்தோறும் ச‌ந்தித்து அவ‌ர்க‌ள‌து தேவைக‌ளை நிறைவேற்றி வ‌ருகின்ற‌ன‌ர்.

அவ்வாறு சென்ற‌ பொழுது க‌ட‌ந்த‌ ஒரு மாத‌ கால‌மாக‌ இந்திய‌ர் ஒருவ‌ர் அவ‌ச‌ர சிகிச்சைப் பிரிவில் நினைவிழ‌ந்த‌ நிலையில் சிகிச்சை பெற்று வ‌ரும் த‌க‌வ‌ல் அறிந்து அவரை பார்த்தன‌ர்.

அவர் யார் என்ப‌த‌ற்கான‌ சான்றுக‌ளும் எதுவும் அவ‌ரிட‌ம் இல்லாத‌ நிலையில் ம‌ருத்துவ‌ம‌னையில் சேர்க்க‌ப்ப‌ட்டுள்ளார். அவ‌ரைப் பார்க்கையில் த‌மிழ‌க‌ம், கேர‌ளா, ஆந்திரா உள்ளிட்ட‌ மாநில‌த்தைச் சேர்ந்த‌வ‌ராக‌ இருக்க‌லாம் என‌ க‌ருத்த‌ப்ப‌டுகிற‌து.

த‌மிழ் பேசும் போது ம‌ட்டும் இவ‌ர‌து பார்வை மேலும் கீழும் வ‌ருகிறது. என‌வே இவ‌ர் குறித்து த‌க‌வ‌ல் தெரிந்தால் ஈமான் ம‌க்க‌ள் தொட‌ர்பு செய‌லாள‌ர் ஏ. முஹ‌ம்ம‌து தாஹாவை 050 467 4399 / 050 51 96 433 எனும் அலைபேசியில் அல்ல‌து muduvaihidayath@gmail.com என்ற‌ மின்ன‌ஞ்ச‌லிலோ தொட‌ர்பு கொள்ள‌ கேட்டுக் கொள்ள‌ப்ப‌டுகிறார்க‌ள்.

அவ்வாறு த‌க‌வ‌ல் கிடைக்கும் ப‌ட்ச‌த்தில் அவ‌ரை ப‌த்திர‌மாக‌ அவ‌ர‌து குடும்ப‌த்தாரிட‌ம் சேர்ப்ப‌த‌ற்கான‌ ஏற்பாடுக‌ள் செய்ய‌ப்ப‌டும்

தகவல் : அதிரை POST

நீண்டகால வசிப்பிட அனுமதி: துபாய் இந்தியர்கள்

மூதலீடு செய்துள்ள இந்தியர்கள், நீண்ட கால வசிப்பிட அனுமதியை வழங்க வேண்டும் என்று கோரிக்கை விடுத்துள்ளனர்.

ஐக்கிய அரபு குடியரசுகளில் ஒன்றான துபாயில், இந்தியாவைச் சேர்ந்தவர்கள் கோடிக்கனக்கான தினாரை முதலீடு செய்துள்ளனர். அதன் பொருளாதார வளர்ச்சிக்கு அதிகளவு பங்களிப்பு வழங்கியுள்ளனர். அயல்நாட்டு முதலீட்டாளர்களுக்கு நம்பிக்கையை ஏற்படுத்தும் விதத்தில் நீண்ட கால வசிப்பிட அனுமதியை வழங்க வேண்டும் என்று கூறியுள்ளனர்.

துபாயில் நீண்ட காலமாக தொழில் வர்த்தகத்தில் ஈடுபட்டுள்ள இந்தியர்களின் அமைப்பான இந்தியன் பிசினஸ் அண்ட் புரபஷனல் கவுன்சிலைச் [The Indian Business and Professional Council (IBPC)] சேர்ந்த பிரதிநிதிகள், புதன்கிழமையன்று துபாய் குடியுரிமை மற்றும் வசிப்பிட உரிமை துறையின் தலைமை இயக்குநர் மேஜர் ஜெனரல் அகமது அல் மர்ரியை சந்தித்து விவாதித்தனர்.

அப்போது இந்தியன் பிசினஸ் அண்ட் புரபஷனல் கவுன்சில் தலைவர் பராஸ் சகாத்புரி பேசுகையில், ஐக்கிய அரபு குடியரசில் உள்ள இந்திய வர்த்தகர்கள் மிக நம்பிக்கையுடன் உள்ளனர். ஆனால் மூன்று வருட வசிப்பிட அனுமதியால், அவர்கள் மத்தியில் நிலையில்லா தன்மை ஏற்படுகிறது. இந்தியாவைச் சேர்ந்த வர்த்தகர்கள், நிபுணர்கள் கோடிக்கான தினாரை முதலீடு செய்துள்ளனர். குறிப்பாக துபாய், ஜிபில் அலி, சார்ஜா ஆகிய இடங்களில் அதிகமாக முதலீடு செய்துள்ளனர். எங்களுக்கு நம்பிக்கை ஏற்படும் வகையில், நீங்கள் ஏன் நீண்ட கால வசிப்பிட அனுமதி கொடுக்க கூடாது? சுற்றுலா பயணிகள், பொருட்களை வாங்க வருபவர்களின் எண்ணிக்கையை அதிகரிக்க, விசாவுக்கான டிபாசிட் கட்டணத்தை குறைக்க வேண்டும் என்றும் கேட்டுக் கொண்டார்.

இதற்கு துபாய் குடியுரிமை மற்றும் வசிப்பிட உரிமை துறையின் தலைமை இயக்குநர் மேஜர் ஜெனரல் அகமது அல் மர்ரி பதிலளிக்கையில், எனது துறை முடிந்த உதவிகளை செய்யும். உங்கள் கோரிக்கையில் பெரும்பாலவை, எனது துறையின் அதிகார வரம்பில் இல்லை. இதற்கு பெடரல் (மத்திய) அரசு தான் தகுந்த நடவடிக்கையை எடுக்க வேண்டும் என்று கூறினார். இந்தியர்கள் முன்னதாகவே விசா எடுக்காமல், துபாயில் வந்து இறங்கிய உடன் விசா வழங்கப்படும் முறை அறிமுகப்படுத்தப்படுமா என்று கேட்டதற்கு, இது நல்ல யோசனை. இதை பற்றி மேலும் விவாதிக்க வேண்டும் என்று பதிலளித்தார்.

இந்த கலந்துரையாடல் நிகழ்ச்சியில், இந்திய கான்சல் ஜெனரல் வேனு ராஜமோனி, சிங்கப்பூர் கான்சல் ஜெனரல் தில்லிப் நாயர், மற்றும் உயர் அதிகாரிகள் கலந்து கொண்டனர்.

துபாயில் பனாத்வாலா நினைவு நாள் நிகழ்ச்சி

துபாயில் அமீர‌க காயிதே மில்ல‌த் பேர‌வையின் சார்பில் ப‌னாத்வாலா நினைவு நாள் இன்று மாலை கடைப்பிடிக்கப்படுகிறது.

வியாழக்கிழமை மாலை 9 ம‌ணிக்கு அஸ்கான் டி பிளாக், அல் முத்தீனா ப‌குதியில் நடைபெற‌ இருக்கிற‌து.

இந்நிக‌ழ்ச்சியில் முஜாஹிதேமில்ல‌த் ம‌ர்ஹும் ப‌னாத்வாலா சாஹிப் சிந்த‌னைக‌ளை அமீர‌க‌ காயிதேமில்ல‌த் பேர‌வை செய‌லாள‌ர் ஏ. முஹ‌ம்ம‌து தாஹா, இணைச்செய‌லாள‌ர் ஹ‌மீதுர் ர‌ஹ்மான், இந்திய‌ யூனிய‌ன் முஸ்லிம் லீக் மாநில‌ப் பேச்சாள‌ர் ம‌வ்லவி ஜஹாங்கீர் அரூஸி உள்ளிட்ட‌ ப‌ல‌ர் உரை நிக‌ழ்த்த‌ உள்ள‌ன‌ர்.

நிக‌ழ்ச்சி குறித்த‌ மேல‌திக‌ விபர‌ங்க‌ள் பெற‌ கீழ‌க்க‌ரை ஹ‌மீதுயாசின் 050 2533712.

இணைய‌த்த‌ள‌ம்:

http://muslimleaguetn.com
www.mudukulathur.com
http://quaidemillathforumuae.blogspot.com

வேலைஉத்தரவாதம் இல்லாத ஒருலட்சம் தொழிலாளர்களை திருப்பிஅனுப்ப குவைத் முடிவு

குவைத்தில் வேலை உத்தரவாதம் இல்லாத சுமார் ஒரு லட்சம் அயல்நாட்டுத் தொழிலாளர்களை அவர்களின் சொந்த நாட்டிற்கே அனுப்ப குவைத் அரசு முடிவு செய்துள்ளது.

இதுகுறித்து செய்தியாளர்களிடம் பேசிய குவைத் அமைச்சர் பாதில் சபர், முறைகேடாக அயல்நாட்டுத் தொழிலாளர்களை குவைத் வரவழைத்த நிறுவனங்கள் மீது நடவடிக்கை எடுக்க குவைத் அரசாங்கம் தீர்மானித்து உள்ளது.

அதோடு இப்படி முறையான வேலை உத்தரவாதம் இல்லாமல் வேலை பார்க்கும் அயல்நாட்டு தொழிலாளர்கள் ஒரு லட்சம் பேரை அவர்களின் தாய்நாட்டுக்கு திருப்பி அனுப்புவது என்று அரசு தீர்மானித்துள்ளது.

அவர்களில் ஆயிரக்கணக்கான இந்தியர்களும் இருக்கிறார்கள். மேலும் குடும்பத்தினருடன் இல்லாமல் தனியாக வசிக்கும் அயல்நாட்டு தொழிலாளர்கள், தனியார் குடியிருப்பு பகுதியில் வசித்து வருகிறார்கள். அவர்கள் அப்படி குடியிருப்பு பகுதியில் வசிக்க அனுமதிக்கப்பட மாட்டாது என்றும் பாதில் சபர் தெரிவித்தார்.

துபாய் அமீர‌க‌ த‌மிழ் ம‌ன்ற‌ம் ந‌ட‌த்திய‌ நேருக்கு நேர் நிக‌ழ்ச்சி

துபாயில் அமீர‌க‌ த‌மிழ் ம‌ன்ற‌த்தின் சார்பில் வியாழ‌க்கிழ‌மை மாலை க‌ராமா சிவ் ஸ்டார் ப‌வ‌ன் உண‌வ‌க‌த்தில் நேருக்கு நேர் நிக‌ழ்ச்சி ந‌டைபெற்ற‌து.

அறுப‌து ஆண்டு ஊடக‌த்துறைத்துறை அனுப‌வ‌ம் வாய்ந்த‌ சாத்தான்குள‌ம் அப்துல் ஜ‌ப்பார் ப‌ல்வேறு அமைப்புக‌ளின் நிர்வாகிக‌ள‌து கேள்விக‌ளுக்கு ப‌தில‌ளித்தார்.

இல‌ங்கையில் வாடும் த‌மிழ் ம‌க்க‌ளுக்கு இந்திய‌ அர‌சு உத‌விப் பொருட்க‌ளை அனுப்ப‌ வேண்டும் என்ற அவர் அத‌ற்காக‌ த‌மிழ‌க‌ முத‌ல்வ‌ர் முழுமுய‌ற்சி மேற்கொள்ள‌ வேண்டும் என்றார்.

த‌மிழின் பெருமையை விளக்கும் பாட‌லை கும‌ரி அபுபக்க‌ர் பாடினார்.

அமீர‌க‌ த‌மிழ் ம‌ன்ற‌ த‌லைவ‌ர் ஜெஹ‌ப‌ர், அப்துல் ஜ‌ப்பாருக்கு நினைவுப் ப‌ரிசு வ‌ழ‌ங்கினார். கூட்ட‌த்தில் நிர்வாகிக‌ள் அஹ‌ம‌து முஹைதீன், செய‌லாள‌ர் ந‌ஜுமுதீன், முஹ‌ம்ம‌து ஃபாரூக் உள்ளிட்டோர் ப‌ங்கேற்ற‌ன‌ர்.

துபாய் த‌மிழ்ச் ச‌ங்க‌ம், யுஏஇ தமிழ்ச் ச‌ங்க‌ம், அமீர‌க‌ தமிழ்க் க‌விஞ‌ர்க‌ள் பேர‌வை, வான‌லை வ‌ள‌ர்த‌மிழ் அமைப்பு, தாய்ம‌ண் வாச‌க‌ர் வ‌ட்ட‌ம், அமீர‌க‌ த‌மிழ‌ர்க‌ள் அமைப்பு உள்ளிட்ட‌ ப‌ல்வேறு அமைப்புக‌ளின் நிர்வாகிக‌ளும், வ‌லைப்பூ ப‌திவ‌ர்க‌ளும் ப‌ங்கேற்ற‌ன‌ர்.

நிக‌ழ்ச்சியினை ஜெஸிலா ரியாஸ் தொகுத்து வழ‌ங்கினார்

துபாய்-விடுமுறையில் தாய‌க‌ம் செல்கிறீரா?

துபாயில் ப‌ணிபுரிந்து வ‌ருவோர் கோடை விடுமுறையில் ப‌ல‌ர் அவ‌ர‌வ‌ர‌து தாய‌க‌த்திற்கு செல்வ‌து வ‌ழ‌க்க‌ம். இத்த‌கைய‌ சூழ்நிலையினைப் ப‌ய‌ன்ப‌டுத்தி அந்த வீடுகளில் திருடர்கள் கைவ‌ரிசை காட்டுவதும் வ‌ழ‌க்க‌மாகிவிட்டது.

இதையடுத்து துபாய் காவ‌ல்துறை ஒரு ஏற்பாட்டினைச் செய்துள்ள‌து. அதன்படி நெடுநாட்கள் வெளியூர் செல்வோர் காவல்துறையிடம் தெரிவித்துவிட்டுப் போகலாம்.

இந்த வீடுகளை காவ‌ல் துறையில் தொடர்ந்து கண்காணித்து வரும்.

இந்த வ‌ச‌தியைப் ப‌ய‌ன்ப‌டுத்திக் கொள்ளுமாறு காவ‌ல்துறை கேட்டுக் கொண்டுள்ள‌து.

துபாயில் பொருளாதார‌ முத‌லீடு குறித்த‌ க‌ல‌ந்துரையாட‌ல்

துபாயில் பொருளாதார‌ முத‌லீடு குறித்த‌ க‌ல‌ந்துரையாட‌ல் நிக‌ழ்ச்சி வரும் 19ம் தேதி மாலை 7 ம‌ணிக்கு துபாய் தேரா இண்டெக்ஸ் ஹோட்ட‌ல் வ‌ளாக‌த்தில் ந‌டைபெற‌ உள்ள‌து.

இக்கூட்ட‌த்தில் ப‌ல்வேறு முத‌லீட்டுத் திட்ட‌ங்க‌ள் குறித்த‌ த‌க‌வ‌ல்க‌ள் குறித்து விவாதிக்க‌ப்ப‌டும். இதுகுறித்து மேல‌திக‌ விப‌ர‌ங்க‌ள் அறிய‌ விரும்புவோர் 050-7586551 எனும் அலைபேசியில் தொட‌ர்பு கொண்டு விப‌ர‌ம் பெற‌லாம்.

மின்ன‌ஞ்ச‌ல்: unitednazeer@gmail.com

துபாயில் உடல் உறுப்பு குறைபாடு உடையோருக்காக புது அமைப்பு

உடல் உறுப்பு குறைபாடுடையோரது நலனிற்காக துபாயில் புதிய அமைப்பு ஒன்று தொடங்கப்பட்டுள்ளது.

துபாய் இந்திய துணைத் தூதரகத்தின் புதிய முயற்சியாக சமூகத்தில் உடல் உறுப்பு குறைபாடு உடையோருக்காக, Society for Advocacy & Awareness Towards Holistic Inclusion (SAATHI) எனும் புதிய அமைப்பு வெள்ளிக்கிழமை இந்திய துணைத்தூதரக வளாகத்தில் துவங்கப்பட்டது.

நிகழ்ச்சியில், துபாய் அரசின் சமூக நலத்துறை இயக்குநர் டாக்டர் மர்யம் முஹம்மது மதார், இந்திய துணைத் தூதர் வேணு ராஜாமணி உள்ளிட்டோர் கலந்து கொண்டனர்.

இந்திய பெண்கள் அமைப்பின் தலைவியும், சாதி அமைப்பின் இயக்குநருமான டாக்டர் சரோஜ் தாப்பா அமைப்பின் செயல்திட்டங்களை விவரித்தார். இந்நிகழ்வில் பல்வேறு துறை நிபுணர்கள் பங்கேற்றனர்.

இவ்வமைப்பு குறித்து மேலதிக தகவல் அறிய விரும்புவோர் www.saathidubai.org எனும் இணையத்தளம் மூலம் அறிந்து கொள்ளலாம்.

துபாயில் ஆதியிலிருந்து அந்த‌ம் வ‌ரை சொற்பொழிவு

துபாயில் சுன்ன‌த்வ‌ல் ஜ‌மாஅத் ஐக்கிய‌ப் பேர‌வையின் சார்பில் வார‌ந்தோறும் புத‌ன்கிழ‌மை மாலை சொற்பொழிவு நிக‌ழ்ச்சி அஸ்கான் டி பிளாக்கில் ந‌டைபெற்று வ‌ருகிற‌து.

17ம் தேதி ந‌டைபெற‌ இருக்கும் சொற்பொழிவு நிக‌ழ்ச்சியில் கீழ‌க்க‌ரை மௌலானா முஹிப்புல் உல‌மா ஏ. முஹ‌ம்ம‌து ம‌ஃரூப் அவ‌ர்க‌ள் ஆதியிலிருந்து அந்த‌ம் வ‌ரை எனும் த‌லைப்பில் உரை நிக‌ழ்த்த‌ இருக்கின்ற‌ன‌ர்.

பெண்க‌ளுக்கு த‌னியிட‌ வ‌ச‌தியும், நிக‌ழ்ச்சிக்குப் பின்ன‌ர் உண‌வு ஏற்பாடும் செய்ய‌ப்ப‌ட்டுள்ள‌து. மேல‌திக‌ விபர‌ங்க‌ளுக்கு 050 467 6618 எனும் எண்ணி தொட‌ர்பு கொள்ள‌லாம்.

E mail : mahroof1958@yahoo.com

துபாயில் ஜுன் 11 முத‌ல் கோடை விழா

துபாயில் கோடை விழா துவ‌ங்கியுள்ளது. இந்த விழா ஆக‌ஸ்ட் 14ம் தேதி வரை ந‌டைபெறும்

துபாயில் கோடைவிழா (http://www.mydsf.com) க‌ட‌ந்த‌ 1998ம் ஆண்டு முத‌ல் வ‌ருட‌ந்தோறும் உல‌கெங்கிலும் உள்ள‌ சுற்றுலாப் ப‌ய‌ணிக‌ளைக் க‌வ‌ரும் வித‌மாக‌வும், ப‌ள்ளி விடுமுறை கால‌த்தில் மாணாக்க‌ர்க‌ளுக்கு ப‌ய‌ன‌ளிக்கும் வித‌த்தில் இருக்கும் வித‌மாக‌வும் இக்கோடை விழா ந‌டைபெற்று வ‌ருகிற‌து.

இவ்வாண்டுக்கான‌ கோடை விழா வியாழ‌க்கிழ‌மை துவ‌ங்கிய‌து. இத‌னையொட்டி ப‌ல்வேறு சிற‌ப்பு நிக‌ழ்வுக‌ள் ந‌டைபெற்ற‌ன‌.

இத‌னையொட்டி ஏர்போர்ட் எக்ஸ்போவில் மாதேஸ் ப‌ன் சிட்டி (Modhesh Fun City ) என்ற‌ சிற‌ப்பு இட‌ம் குழ‌ந்தைகளுக்காக‌ ஏற்ப‌டுத்த‌ப்ப‌ட்டுள்ள‌து.

ப‌ல்வேறு ஷாப்பிங் சென்ட‌ர்க‌ளிலும் இத‌னையொட்டி சிற‌ப்பு நிக‌ழ்வுக‌ள், த‌ள்ளுப‌டி விற்ப‌னை ஆகிய‌வை ந‌டைபெற்று வ‌ருகின்ற‌ன‌.

வேலூர் எம்.பி. அப்துல் ரஹ்மானுக்கு துபாய் ஈமான் அமைப்பு பாராட்டு

துபாய் ஈமான் (இந்திய முஸ்லீம்கள் சங்கம்) சார்பில் வேலூர் எம்.பி.யான இந்திய யூனியன் முஸ்லீம் லீக் கட்சியைச் சேர்ந்த அப்துல் ரஹ்மானுக்கு வியாழக்கிழமை பாராட்டு விழா நடைபெறவுள்ளது.

வேலூர் பாராளும‌ன்ற‌ உறுப்பின‌ர் எம். அப்துல் ர‌ஹ்மானுக்கு வாழ்த்த‌ர‌ங்க‌ம் நிக‌ழ்ச்சியினை 11.06.2009 வியாழ‌க்கிழ‌மை மாலை ச‌ரியாக‌ 9.30 ம‌ணிக்கு தேரா லூத்தா ஜாமிஆ ம‌ஸ்ஜிதில் ( குவைத் ப‌ள்ளி ) ந‌டத்த‌ இருக்கிற‌து என‌ பொதுச்செய‌லாள‌ர் ஏ. லியாக்க‌த் அலி தெரிவித்தார்.

இவ் வாழ்த்த‌ர‌ங்கம் நிக‌ழ்விற்கு ஈமான் அமைப்பின் த‌லைவ‌ர் அல்ஹாஜ் செய்ய‌து எம். ஸலாஹுத்தீன் த‌லைமை தாங்க‌ இருக்கிறார்

இந்நிக‌ழ்வில் த‌மிழ‌க‌த்தின் அனைத்துப் ப‌குதியினைச் சேர்ந்த‌ ஜ‌மாஅத்துக‌ளின் நிர்வாகிக‌ள் க‌ல‌ந்து கொண்டு வாழ்த்துரை வ‌ழ‌ங்க‌ உள்ள‌ன‌ர்

அத‌னைத் தொட‌ர்ந்து எம்.அப்துல் ர‌ஹ்மான் ஏற்புரை நிக‌ழ்த்துகிறார்

இந்நிக‌ழ்ச்சிக்கான‌ ஏற்பாடுக‌ளை ஈமான் அமைப்பின் விழாக்குழுவின‌ர் செய்து வ‌ருகின்ற‌ன‌ர்.

மேல‌திக‌ விப‌ர‌ங்க‌ளுக்கு ஈமான் அமைப்பின் ஜ‌மாஅத் ஒருங்கிணைப்பாள‌ர் கீழ‌க்க‌ரை ஹ‌மீது யாசின் 050 2533712 எனும் அலைபேசியில் தொட‌ர்பு கொண்டு விப‌ர‌ம் பெற‌லாம்

மின்ன‌ஞ்ச‌ல் : iman1976@emirates.net.ae

இணைய‌த்த‌ள‌ம் : www.imandubai.org / http://indianmuslimassociation.blogspot.com