தூத்துக்குடி கலைஞர் அரங்கில் தி.மு.க. தேர்தல் காரியாலயம் திறப்பு விழா நடந்தது. நிகழ்ச்சிக்கு மாநில காங்கிரஸ் செயலாளர் ஏ.பி.சி.வி.சண்முகம் தலைமை தாங்கி தேர்தல் காரியாலயத்தை திறந்து வைத்தார். அமைச்சர் பி.கீதாஜீவன், மாவட்ட செயலாளர் என். பெரியசாமி, வேட்பாளர் எஸ்.ஆர்.ஜெயதுரை ஆகியோர் முன்னிலை வகித்தனர். நிகழ்ச்சியில் மேயர் இரா.கஸ்தூரி தங்கம், மாவட்ட இளைஞர் அணி அமைப்பாளர் ராஜ்மோகன் செல்வின், மாநகர செயலாளர் எஸ்.ஆர்.ஆனந்த சேகரன் உள்பட பலர் கலந்து கொண்டனர்.
பின்னர் மாவட்ட செயலாளர் என்.பெரியசாமி நிருபர்களிடம் கூறியதாவது:-
தூத்துக்குடி தொகுதிக்கு உள்ளாட்சித்துறை அமைச்சர் மு.க.ஸ்டாலின் வருகிற 22-ந்தேதி வருகிறார். அன்று காலை 10 மணிக்கு அமைச்சர் மு.க.ஸ்டாலின் தலைமையில் தூத்துக்குடி ராஜாஜி பூங்காவில் இருந்து ஊர்வலமாக கலெக்டர் அலுவலகத்துக்கு சென்று அங்கு வேட்பாளர் எஸ்.ஆர்.ஜெயதுரை வேட்பு மனு தாக்கல் செய்கிறார். அதன் பிறகு மாலை 3 மணி முதல் மாவட்டம் முழுவதும் தேர்தல் பிரசாரம் செய்கிறார். இரவு கோவில்பட்டியில் பொதுக்கூட்டத்தில் பேசுகிறார்.
இவ்வாறு மாவட்ட செயலாளர் என்.பெரியசாமி கூறினார்.
கருத்துகள் இல்லை:
கருத்துரையிடுக