ஸ்ரீவைகுண்டம் இடைத்தேர்தல் தொடர்பாக தி.மு.க. கூட்டணி செயல்வீரர்கள் கூட்டம், ஏரலில் ஞாயிற்றுக்கிழமை (ஆக. 2) நடைபெறுகிறது. இதில் மத்திய அமைச்சர் மு.க. அழகிரி, கே.வி. தங்கபாலு ஆகியோர் கலந்து கொள்கின்றனர்.
இதுதொடர்பாக தி.மு.க. மாவட்டச் செயலர் என். பெரியசாமி வெளியிட்ட அறிக்கை:
இத்தொகுதியில் ஜனநாயக முற்போக்குக் கூட்டணி சார்பில் காங்கிரஸ் வேட்பாளர் எம்.பி. சுடலையாண்டி போட்டியிடுகிறார்.
அவரை அறிமுகப்படுத்தும் செயல்வீரர்கள் கூட்டம், ஞாயிற்றுக்கிழமை (ஆக. 2) காலை 10 மணிக்கு ஏரல் மகாராஜா மண்டபத்தில் நடைபெறுகிறது. இக் கூட்டத்தில் தி.மு.க. தென்மண்டல அமைப்புச் செயலரும், மத்திய அமைச்சருமான மு.க. அழகிரி கலந்துகொண்டு வேட்பாளரை அறிமுகப்படுத்தி பேசுகிறார்.
மேலும், தமிழ்நாடு காங்கிரஸ் கமிட்டி தலைவர் கே.வி. தங்கபாலு மறறும் அமைச்சர்கள், மாவட்டச் செயலர்கள், சட்டப்பேரவை உறுப்பினர்கள், ஜனநாயக முற்போக்குக் கூட்டணி நிர்வாகிகள் முன்னிலை வகிக்கின்றனர்.
தி.மு.க. நிர்வாகிகள், கூட்டணி கட்சிகளின் நிர்வாகிகள், செயல்வீரர்கள் திரளாகக் கலந்துகொள்ள வேண்டும் என அதில் கேட்டுக்கொண்டுள்ளார்
கருத்துகள் இல்லை:
கருத்துரையிடுக