சென்னை சென்ட்ரலில் இருந்து நாகர்கோவிலுக்கும், நாகர்கோவிலில் இருந்து சென்னை சென்ட்ரலுக்கும் வாரந்திர சிறப்பு இரயில்கள் (ஏழைகள் ரதம்) சென்று வருகிறது. தற்போது இந்த இரயில் மேலும் 2 மாதத்திற்கு நீடிக்கப்பட்டுள்ளது என்று தெற்கு இரயில்வே அறிவித்துள்ளது.
இது தொடர்பாக தெற்கு இரயில்வே வெளியிட்டுள்ள செய்திக்குறிப்பில், சென்னை சென்ட்ரலில் இருந்து புதன்கிழமை தோறும் நாகர்கோவிலுக்கு (வ.எண்.0607) சிறப்பு இரயில் (ஏழைகள் ரதம்) இயக்கப்பட்டு வருகிறது. அதே போல், மறுமார்க்கத்தில் வியாழக்கிழமை தோறும் நாகர்கோவிலில் இருந்து சென்ட்ரலுக்கு(0608) சிறப்பு இரயில்கள் இயக்கப்பட்டு வருகிறது.
இந்த இரயில் மேலும் 2 மாதங்கள் நீட்டிக்கப்பட்டுள்ளது. அதன்படி, சென்னை-நாகர்கோவில் சிறப்பு இரயில் ஆகஸ்ட் 19ஆம் தேதி முதல் அக்டோபர் 28ஆம் தேதி வரையும், நாகர்கோவில்-சென்னை சிறப்பு இரயில் ஆகஸ்ட் 20ஆம் தேதி முதல் அக்டோபர் 29ஆம் தேதி வரையிலும் நீடிக்கப்பட்டுள்ளது என்று தெற்கு இரயில்வே அறிவித்துள்ளது.
கருத்துகள் இல்லை:
கருத்துரையிடுக