திருச்செந்தூர் - சென்னை சிறப்பு ரயில் ஸ்ரீவைகுண்டத்தில் நின்று செல்லக் கோரி ஆகஸ்ட் 16ம் தேதி ஸ்ரீவைகுண்டத்தில் ரயில் மறியலில் ஈடுபடப் போவதாக மதிமுக மாவட்ட செயலாளர் ஜோயல் தெரிவித்துள்ளார்
தூத்துக்குடி மாவட்டத்தில் காயல்பட்டினம், ஆறுமுகநேரி, நாசரேத், செந்துங்கநல்லூர், மணியாச்சி, கோவில்பட்டி ஆகிய இடங்களில் நின்று செல்ல அறிவிக்ப்பட்டுள்ளது. ஆனால் நவதிருப்பதிகளின் முக்கிய ஸ்தலமாக விளங்கி வரும் ஸ்ரீவைகுண்டத்தில் இந்த ரயில் நின்று செல்ல ஏற்பாடு செய்யப்பட வில்லை. இதனால் அங்குள்ள பொதுமக்கள், வியாபாரிகள், மாணவர்கள் மிகுந்த ஏமாற்றம் அடைந்துள்ளனர். மேலும், இதுகுறித்து மதிமுக கட்சி ரயில்வே அதிகாரிகளுக்கு கோரிக்கை மனு அளித்துள்ளது.
தெற்கு ரயில்வே 15 நாட்களுக்குள் ஸ்ரீவைகுண்டத்தில் நின்று செல்ல ஏற்பாடு செய்யாவிட்டால், ஆகஸ்ட் 15ம் தேதி சுதந்திர தினத்தன்று சென்னை சென்ட்ரலிலிருந்து புறப்படும் சிறப்பு ரயிலை ஸ்ரீவைகுண்டத்தில் 16ம் தேதி, பொதுமக்கள், வியாபாரிகள், மாணவர்கள் உள்ளிட்டவர்களுடன் இணைந்து மதிமுக இரயில் மறியலில் ஈடுபடும் என அக்கட்சியின் தூத்துக்குடி மாவட்ட செயலாளர் ஜோயல் தெரிவித்துள்ளார்.
கருத்துகள் இல்லை:
கருத்துரையிடுக