குற்றாலத்தில் சீசன் அருமையாக உள்ளது. குற்றாலத்தில் தற்போது குளுகுளு காற்றுடன் ரம்மியமான சீசன் நிலவுகிறது. ஐந்தருவிக்கு செல்லும் வழியில் வெண்ணமடை குளத்தில் சுற்றுலா துறையினர் ஏற்பாடு செய்துள்ள படகு குழாமில் தற்போது படகுகள் இயக்கப்படுவதால் சுற்றுலா பயணிகள் மகிழ்ச்சியடைந்துள்ளனர்.
மலைப்பகுதியில் மழை பெய்வதால் மெயின்அருவி, பழைய குற்றாலம், ஐந்தருவி என அனைத்து அருவிகளிலும் தண்ணீர் கொட்டுகிறது. நேற்று பிற்பகலில் மாவட்டம் முழுவதுமே சாரல் மழை பெய்தது. குற்றாலத்தில் வெயில் தெரியவில்லை. சனி, ஞாயிறுகளில் சுற்றுலா பயணிகளின் கூட்டம் அதிகரிக்கும் என எதிர்பார்க்கப்படுகிறது.
அலெக்ஸ், தென்காசி
கருத்துகள் இல்லை:
கருத்துரையிடுக