அமெரிக்க அதிபர் ஒபாமா டி.வி. ஒன்றுக்கு அளித்துள்ள பேட்டியில் கூறி இருப்பதாவது:-
ஆபிரகாம்லிங்கனை தவிர்த்து மகாத்மா காந்தி, நெல்சன் மண்டேலா ஆகியோரை நான் எனது ஹீரோவாக கருதுகிறேன். அவர்கள் எனது வழிகாட்டியாக இருக்கின்றனர்.
அவர்கள் இருவரும் வன்முறை இல்லாமலேயே ஒரு சமூகத்தையே மாற்றி அமைத்தவர்கள். மக்களின் மனதை மாற்றி அவர்களின் இதயத்தில் இடம் பிடித்தவர்கள்.
அமெரிக்காவில் உள்நாட்டு போர் நடந்த போது அதற்கு சரியான தீர்வு ஏற்படுத்தியவர் ஆபிரகாம்லிங்கன். மனித உரிமைகளை உணர்ந்து இந்த பிரச்சினைக்கு தீர்வு கண்டார். அவரும் எனது ரோல் மாடலாக இருக்கிறார்.
அமெரிக்கா ராணுவம், பொருளாதாரத்தில் மிக வலுவான நாடாக இருக்கிறது. அதே நேரத்தில் சீனா, இந்தியா, பிரேசில் போன்ற நாடுகள் பொருளாதாரத்தில் வேகமாக முன்னேறி வருகின்றன.
இவ்வாறு அவர் கூறினார்.
கருத்துகள் இல்லை:
கருத்துரையிடுக