பாளையங்கோட்டையில் கம்ப்யூட்டர் கண்காட்சி வியாழக்கிழமை (ஆக. 20) தொடங்கி 3 நாள்கள் நடைபெறுகிறது.
இதுகுறித்து திருநெல்வேலி மாவட்ட கம்ப்யூட்டர் விற்பனையாளர்கள் சங்கத் தலைவர் என். ஆனந்த வரதராஜன் செவ்வாய்க்கிழமை செய்தியாளர்களிடம் கூறியதாவது:
எங்கள் சங்கம் மூலம் 2-ம் ஆண்டாக பாளையங்கோட்டை நூற்றாண்டு மண்டபத்தில் கம்ப்யூட்டர் கண்காட்சி "ஐ.டி. எக்ஸ்போ 2009' என்ற பெயரில் நடைபெறவுள்ளது.
இம் முறை கண்காட்சியை எங்களுடன் "எச்.பி., காம்பக்' நிறுவனங்களும் இணைந்து நடத்துகின்றன.
வியாழக்கிழமை தொடங்கி சனிக்கிழமை வரை நடைபெறும் கண்காட்சியில் "எச்.பி., காம்பக், எச்.சி.எல்., ஏசர், டெல், சாம்சங்' உள்ளிட்ட 9 நிறுவனங்கள் நேரடியாக தங்கள் அரங்குகளை அமைக்கின்றன.
இம் மாவட்டத்தைச் சேர்ந்த 20 கம்ப்யூட்டர் விற்பனையாளர்கள் அரங்குகள் அமைக்கின்றனர். கண்காட்சியில் மொத்தம் 36 அரங்குகள் அமைக்கப்படுகின்றன. கண்காட்சியில் கம்ப்யூட்டர், அதன் உதிரி பாகங்கள், கம்ப்யூட்டர் தொடர்புடைய பொருள்கள் இடம்பெறும்.
பார்வையாளர்களுக்கு நுழைவுக் கட்டணம் இல்லை. அனைத்துப் பொருள்களும் சலுகை விலையில் விற்கப்படும்.
கண்காட்சியை வியாழக்கிழமை மாலை 5 மணிக்கு, திருநெல்வேலி மனோன்மணீயம் சுந்தரனார் பல்கலைக்கழகத் துணைவேந்தர் இரா.தி. சபாபதிமோகன் திறந்துவைக்கிறார் என்றார் அவர்
கருத்துகள் இல்லை:
கருத்துரையிடுக