ஸ்ரீவைகுண்டம் இடைத் தேர்தல் வாக்கு எண்ணிக்கை, நாளை மறுநாள் நடைபெறுவதை முன்னிட்டு, வாக்கு இயந்திரங்கள் வைக்கப்பட்டுள்ள சாயர்புரம் பொறியியல் கல்லூரியில் பலத்த போலீஸ் பாதுகாப்பு போடப்பட்டுள்ளது.
நேற்று நடைபெற்ற இடைத் தேர்தலில் மொத்தம் 72% வாக்குப் பதிவில் 84,504 வாக்குகள் பதிவாகி உள்ளது. இதில் பெண் வாக்களர்கள் 43,773 பேர் வாக்களித்துள்ளனர். ஆண் வாக்காளர்கள் 40,731 பேர் வாக்களித்துள்ளனர். மொத்தம் உள்ள 172 வாக்குச்சாவடிகளில் பயன்படுத்தப்பட்ட இயந்திரங்கள் அனைத்தும் பார்வையாளர்கள் முன்னிலையில் சீலிடப்பட்டு வாக்கு எண்ணிக்கை நடைபெறும் சாயர்புரம் போப் பொறியியல் கல்லூரிக்கு நேற்றிரவு கொண்டு வரப்பட்டது.
வாக்கு இயந்திரங்கள் வைக்கப்பட்டுள்ள அறை சீல் வைக்கப்பட்டு, அங்கு துப்பாக்கி ஏந்திய போலீசார் காவலுக்கு நிறுத்தப்பட்டுள்ளனர். வாக்கு எண்ணிக்கை நடைபெறும் மையத்தை ஆட்சியர் பிரகாஷ், தொகுதி தேர்தல் அலுவலர் துரை ரவிச்சந்திரன் மற்றும் அதிகாரிகள் பார்வையிட்டனர்.
கருத்துகள் இல்லை:
கருத்துரையிடுக