வல்லநாட்டில் காவல் துறையினருக்கான மாநில துப்பாக்கி சுடும் போட்டியை சென்னை புறநகர் காவல்துறை ஆணையர் ஜாங்கிட் துவக்கி வைத்தார்.
தூத்துக்குடி மாவட்டம் வல்லநாட்டில் காவல்துறையினர் கலந்து கொள்ளும் மாநில அளவிலான துப்பாக்கி சுடும் போட்டி நேற்று துவங்கியது. போட்டியை சென்னை புறநகர் காவல்துறை ஆணையர் ஜாங்கிட் தலைமையேற்று துவக்கி வைத்தார்.
இப்போட்டியில், தமிழக காவல்துறையைச் சேர்ந்த முக்கிய அணி வீரர்களான ஆயுதபடை பிரிவினர், மத்திய மண்டல அணி, தலைமை இடத்து அணி, கமாண்டோ படையினர் உட்பட 8 அணியினர் கலந்து கொள்கின்றனர். 200 பெண் வீரர்கள் உட்பட 450 பேர் கலந்து கொண்டனர். போட்டிகள் நாளை வரை நடைபெறுகிறது. சென்டர் பயர், பிக்4, ரிவால்வர், கார்பைன், பிஸ்டல், ரைபில் உள்ளிட்ட 5 பிரிகளில் போட்டிகள் நடைபெறுகிறது
துப்பாக்கி சுடும் போட்டியில், ஐ.ஜி. தமிழ்செல்வன், அதிரடிப்படை ஐ.ஜி.சைலேந்திரபாபு, தூத்துக்குடி எஸ்.பி. செந்தில் குமார், நெல்லை மாநகர கமிஷனர் குணசீலன் உள்பட்ட அதிகாரிகளும், அணி வீரர்களும் கலந்துகொண்டனர்.
சக்திமுருகன்
கருத்துகள் இல்லை:
கருத்துரையிடுக