TNTJ மாணவர் அணி நடத்திய பத்திரிகையாளர் பயிற்சி முகாம் 08-03-09, ஞாயிற்று கிழமை காலை 10 மணிக்கு TNTJ- யின் மாநில தலைமையகத்தில் துவங்கியது. இதில் மாநிலத்தின் பல்வேறு பகுதியில் இருந்தும் தேர்வு செய்யப்பட்டவர்கள் கலந்து கொண்டனர், சமூதாயத்தின் வீராங்கனைகளான பெண்களும் கலந்து கொண்டனர். இது வருகை தந்திருந்த பத்திரிகையாளர்கள், எழுத்தாளர்கள், தொலைகாட்சி நிருபர்கள், சமூக ஆர்வளர்களை வியப்பில் ஆழ்த்தியது.
முதலில் TNTJ மாநில பொது செயலாளர் சகோ அப்துல் ஹமீத் அவர்கள் தலைமை ஏற்று விருந்தினர்களை வரவேற்று பேசினார் . மேலும் அவரது உரையில் மாணவர் அணியின் முக்கியத்துவம் குறித்தும் மற்றும் பல்வேறு மாணவர் அணியின் கல்வி மற்றும் சமூக சேவைகளை பற்றியும் விளக்கி கூறினார். TNTJ மாநில துணை பொது செயலாளர், சகோ.கலீல் ரஸூல் அவர்கள் முன்னிலை வகித்தார்கள்
பின்னர் பயிற்சி அளித்த சிந்தனையாளன் பத்திரிக்கையின் ஆசிரியர் வே. ஆனைமுத்து அவர்கள் பதிரிகையாளர்களுக்கு இருக்க வேண்டிய தகுதிகள், பதிரிக்கையை எவ்வாறு நடத்துவது பற்றி விளக்கி கூறினார். 84 வயதாகும் பெரியாரின் நண்பரான வே. ஆனைமுத்து அவர்கள் பத்திரிகையாளர் பயிற்சி முகாமிற்க்கு இஸ்லாமிய பெண்கள் கலந்து கொண்டதை பார்த்து வியந்து போனார். பொதுவாக இஸ்லாமிய பெண்கள் படிப்பதில்லை, சமூக பணிகளில் ஈடுபடுவதில்லை இப்படி குரானில் உள்ளதா? என்று கேட்டார், இதற்க்கு பதிலளித்து பேசிய TNTJ- யின் மாநில மாணவர் அணிச் செயலாளர் S.சித்திக் அவர்கள் இஸ்லாம் பெண்களுக்கு வழங்கிய உரிமை பற்றியும், இஸ்லாமிய பெண்களின் கல்விகாகவும், சமூக முன்னேற்றத்திற்காகவும் TNTJ மாணவரணி செய்யும் சேவைகளை பற்றியும் விளக்கி கூறினார்.
பின்னர் பயிற்சி அளித்த TNTJ- யின் மாநில மாணவர் அணி துணை செயலாளர் நி. அல் அமீன் அவர்கள் பத்திரிகை துறையில் இஸ்லாமியர்களின் இன்றைய நிலை, மற்றும் இணையதள பத்திரிகை (web journals) குறித்தும் உரை நிகழ்த்தினார்
பின்னர் பயிற்சி அளித்த பேசிய TNTJ- யின் மாநில மாணவர் அணிச் செயலாளர் S.சித்திக் அவர்கள் சிந்தனைகளை எவ்வாறு எழுத்துகளில் வடிப்பது, அதை முறைபடுத்துவது, நல்ல கட்டுரைகளுக்கான பண்புகள் குறித்தும் விரிவாக விளக்கி கூறினார் .
பின்னர் பயிற்சி அளித்த தமிழன் தொலைகாட்சி யின் மேலாண்மை இயக்குனர் சகோ. கலைகோட்டுதையம் அவர்கள் தொலைகாட்சி ஊடகத்தை பற்றியும், ஊடக துறையில் உள்ள வேலை வாய்ப்பு பற்றியும் விரிவாக விளக்கி கூறினார் .
கருத்துகள் இல்லை:
கருத்துரையிடுக